Niklas Sule ka vendosur të largohet nga Bayern Munichu në fund të këtij edicioni.

Mbrojtësi gjerman është futur në vitin e fundit të kontratës me Bayernin dhe ka vendosur të largohet në verë si futbollist i lirë.

Përkundër që drejtuesit e Bayernit i ofruan rinovimin, Sule tanimë e ka vendosur që të largohet për një eksperiencë të re.

Ka qenë agjenti i lojtarit, Volker Struth që ka konfirmuar për Sport 1 se mbrojtësi tanimë e ka vendosur të ardhmen e tij.

“Klubi i ri është vendosur tanimë. Niklas së fundmi ka marrë një vendim dhe do të habitesha nëse do ta anulonte sërish atë vendim”, tha Struth.

Reklama

Gara për qendërmbrojtësin gjerman është e lartë dhe kishte shumë kërkesa për të edhe në janar.

Reklama

Chelsea, Newcastle United, Barcelona dhe Borussia Dortmund janë në garë për të.

Gjithsesi lojtari ka vendosur tanimë për klubin e ri, klub që pritet ta zyrtarizojë gjatë ditëve të ardhshme. /Telegrafi/