Dua Lipa tregon stilin e veçantë të veshjes përshtatur me çizme kauboj para performancës në Buenos Aires

Dua Lipa po kanalizonte trendin e çizmeve kauboj kur u shfaq në Instagram të martën (13 shtator) për disa poza të reja.

Duke pozuar në një banjë, këngëtarja, 27 vjeçe, bashkoi një xhup me një emblemë kurorë dhe një minifund që kishte një të çarë deri në kofshë.

Ajo theksoi këmbët e gjata ndërsa mbështeti njërën këmbë në tualet, duke treguar çizmet e saj të reja kauboj deri tek gjuri.

Ylli i muzikës mbajti çantën e saj nën krah për serinë e ‘selfieve’ përpara se të ndante një video të turmave në koncertin e saj në Buenos Aires në Argjentinë.

“Do të argëtohemi shumë në Buenos Aires!! Gati për natën 1 nga 2 në qytetin tuaj të bukur”, ka shkruar Dua sipër imazheve.

Ajo gjithashtu pozoi me një këmishë lëkure të verdhë dhe xhinse teksa ishte ulur në një shkallë për një tjetër imazh të bukur.

Kishte gjithashtu një foto të fansave të saj që qanin kur panë këngëtare përtej një dritare.

Para këtij spektakli, Dua kishte qenë në Brazil ku performoi në festivalin “Rock In Rio” në mesin e emrave të tjerë të njohur.

Ndërkohë, këngëtarja ka folur për stilin e saj personal të veshjes në një intervistë të mëparshme për ‘Refinery29’.

“Unë kurrë nuk kam dashur të vendos veten në një kuti dhe të them, ky është stili im dhe këto janë elementët kryesorë të stilit tim. Më pëlqen të eksperimentoj dhe të luaj me stil”, ka deklaruar Dua.

“Është disi si muzika: Tingulli nuk përfshin vetëm fytyrën e artistit. Dhe artisti duhet të veshë rrobat, jo anasjelltas. Moda nuk mund të detyrohet”, ka thënë tutje krijuesja e hiteve.

Dua, e cila njihet për hitet, duke përfshirë “One Kiss” dhe “Cold Heart”, do ta përfundojë turneun e saj këtë vit më 16 nëntor në Perth të Australisë. /Telegrafi/