Dua Lipa dhe Action Bronson u bëjnë thirrje shqiptarëve për koncertin në Prishtinë: Sillni edhe kushërinjtë

Këngëtarja shqiptare me famë botërore, Dua Lipa, do të performojë më 10 gusht në festivalin “Sunny Hill” në Prishtinë.

Përveç Duas, në këtë koncert do të performojnë edhe shumë emra tjerë të njohur si Action Braonson dhe Stanaj, të dy shqiptaro-amerikanë të suksesshëm.

Dua së fundmi është takuar në New York me Action Bronson, teksa ka publikuar një fotografi me të në llogarinë personale në Instagran.

Në mbishkrimin e fotografisë, Lipa e ka quajtur vëlla reperin amerikano-shqiptar, teksa u ka bërë thirrje të gjithëve që të vijnë t’i ndjekin ata në netët e festivalit “Sunny Hill”.

“Vëllai im Action Bronson dhe unë pas shout të tij në NYC. Hajdeni dhe shikona të dyve këtë verë në ‘Sunny Hill Festival’ dhe në fjalët e Action Bronsonit ‘i kam edhe 1000 kushërinj duke ardhur’, prandaj sillni edhe kushërinjtë tuaj”, ka shkruar Dua Lipa në Instagram.

My bro @bambambaklava and I after his show in NYC. Come see us both this summer at Sunny Hill festival and in the words of Action Bronson “I got 1000 cousins coming” so bring urs too. Tickets on sunnyhillfestival.com

A post shared by DUA LIPA (@dualipa) on Jun 19, 2018 at 11:00am PDT

Ndërkohë, këngëtarja shqiptare këto ditë është duke mbajtur turin e saj të koncerteve në ShBA, duke mbushur sallat plot në çdo vend që performon.

Ajo shpreson që njëlloj, vendi të jetë i mbushur edhe nga shqiptarët në Parkun Gërmia më 10 gusht, lokacioni në të cilin zhvillohet festivali “Sunny Hill”. /Telegrafi/