Drita është ndarë në paqe në shtëpi me Drenicën, pasi ndeshja përfundoi 1-1 në kuadër të javës së 26-të në Superligën e Kosovës.

Skuadra nga Skenderaj e filloi më mirë takimin, duke rrezikuar me anë të Baton Zabërgjës, mirëpo topi përfundoi jashtë.

Kampioni në fuqi filloi të këndellej me raste dhe shënuan golin e epërsisë me anë të Bujar Shabani që realizoi nga distanca në minutën e 29-të.

Por, Drenica nuk u dëshpëruar nga ky gol, pasi arriti t’i barazonte shifrat në 1-1 me anë të Zabërgjës (42′).

Të dy skuadrat tentuan që me disa zëvendësime në 45 minutat e dytë të kërkonin fitoren, por ishte e kot.

Në këtë pjesë nuk u shënuan ndonjë rast serioz, duke bërë me shenjë nga dy skuadrat se ishin të kënaqur me nga një pikë.

Pas javës së 26-të, Drita vazhdon të jetë lider me 55 pikë, tre më shumë se Ballkani që ka një ndeshje më pak, derisa Drenica po lufton për mbijetesë me 27 pikë, aq sa ka edhe Arbëria në të tetin. /Telegrafi/

Standings provided by SofaScore LiveScore