Drenica ka triumfuar ndaj Trepçës ’89 (2-0) në ndeshjen e javës së 26-të në IPKO Superligën e Kosovës në futboll që u zhvillua në stadiumin “Bajram Aliu”.

Nikoqirët e zhbllokuan rezultatin që në minutën e dhjetë, kur Kreshnik Uka e shfrytëzoi një top të kthyer për ta dërguar në rrjetë.

Skuadra vendase i pati edhe disa raste gjatë fraksionit të parë, mirëpo nuk arriti t’i shfrytëzonte.

Të gjitha lajmet nga Superliga e Kosovës Të gjitha lajmet nga Superliga e Kosovës

Sidoqoftë, në gjysmën e dytë të takimit, Drenica e shënoi edhe golin e sigurisë, ndërsa autori ishte i njëjti – Kreshnik Uka (55′).

Me këtë triumf, Drenica forcon pozitën e pestë në tabelë (37 pikë), me shtatë pikë më shumë se Gjilani që të dielën zhvillon derbin ndaj Dritës.

Trepça ’89 është në vend të shtatë në tabelë me 32 pikë, ndërsa qëndron tri pikë larg zonës së ‘play-outit’. /Telegrafi/