Julian Draxler po i kalon ditët e tij të fundit si futbollist i Paris Saint Germain.
Sulmuesi anësor gjerman nuk është në planet e trajnerit Thomas Tuchel dhe ka kërkuar largimin.
Në fakt Tuchel i ka bërë me dije Draxlerit se nuk llogaritë në shërbimet e tij dhe se duhet të gjejë një angazhim të ri.
Skuadra spanjolle Sevilla kërkoi transferimin e lojtarit, por reprezentuesi gjerman ka refuzuar një transferim të tillë.
Julian Draxler. (Getty Images)
Tani duket se lojtari do të rikthehet përsëri të luaj në vendlindjen e tij në Gjermani.
Skuadrat më të mëdha gjermane janë futur në garë për t’i siguruar shërbimet e tij.
Bayern Munich, Borussia Dortmund, Schalke 04, RB Leipzig dhe Hoffenheim janë skuadrat që po e duan lojtarin gjerman.
PSG i ka vendosur çmimin e largimit yllit të tyre për një shumë prej 35 milionë euro. /Telegrafi/
