Dortmundi e ka mposhtur në udhëtim Zenitin me rezultat 2-1 në kuadër të rrethit të gjashtë të fazës së grupeve në Ligën e Kampionëve.

Pas vetëm 16-të minutash lojë, vendasit kaluan në epërsi me anë të Sebastian Driussi që u asistua nga Sutormin.

Pjesa e parë përfundoi me këtë gol, derisa në të dytën ishte një ritëm edhe më i lartë.

Ishte minuta e 68-të, kur Lukasz Piszczek shënoi një gol të bukur për Dortmundin për t’i barazuar kështu shifrat në 1-1.

Skuadra gjermane nuk u ndal me kaq dhe arriti të përmbyste rezultatin me golin e realizuar nga Axel Witsel (79′), duke u mjaftuar me këto dy gola.

Reklama

Dortmundi e përmbylli fazën e grupeve si lider i Grupit F me 13 pikë, Lazio me dhjetë, Club Brugge me tetë dhe Zeniti me një.

Reklama

Gjermanët dhe italianët kaluan në fazën e eliminimit direkt, derisa në javën e ardhshme do t’i mësojnë emrat e kundërshtarëve. /Telegrafi/