Bayern Munich është në kërkim të një mbrojtësi të djathtë për edicionin e ri.

Kampioni në fuqi i Gjermanisë, ka kontaktuar Juventusin për mbrojtësin brazilian Danilo.

Por ardhja e trajnerit Massimiliano Allegri ka ndryshuar edhe planet e lojtarit i cili është i vendosur të qëndroj te Zonja e Vjetër.

Përveç që kanë kontaktuar Juventusin, drejtuesit e kampionëve në fuqi të Gjermanisë kanë pasur kontakte edhe me lojtarin brazilian.

Por ka qenë vet futbollisti i Kombëtares së Brazilit që ka refuzuar transferimin te gjiganti gjerman.

Danilo është shumë i lumtur me trajnerin Massimiliano Allegri i cili pritet t’i jap një vend në formacionin bazë.

30-vjeçari është që dy vite pjesë e Juventusit, derisa kontrata e tij me bardhezinjtë skadon në verën e vitit 2024. /Telegrafi/