Ish-sulmuesi i Chelseat, Damien Duff ka kritikuar ylli belg, Eden Hazard, për mungesë profesionalizmi, ndërsa kritika ka pasur edhe për Real Madridin.

Hazard ka luftuar me lëndime që transferimi në kryeqytetin spanjoll në verën e vitit 2019, dhe Duff mendon se ajo është mungesë profesionalizmi nga belgu.

“Ju do të shqetësoheni për të ardhmen. Ai është 30 vjeç, ai mbështetet në mprehtësinë, duke qenë një driblues i shpejtë. Të gjithë e dimë pas 30-ve është në tatëpjetë”, ka thënë fillimisht Duff për RTE.

"Eden ka gabuar që ka kaluar te Real Madridi, te Barcelona do të ishte tani më i miri në botë", deklarohet ish-agjenti i Hazard "Eden ka gabuar që ka kaluar te Real Madridi, te Barcelona do të ishte tani më i miri në botë", deklarohet ish-agjenti i Hazard

“Ai kurrë nuk ka qenë një profesionist i mirë dhe ai kurrë nuk ka pasur dëshirën e Lionel Messit dhe Cristiano Ronaldos. Nëse do ta bënte, ju ndoshta do ta përmendnit së bashku me këta dy lojtarët”.

“Ai u paraqit në para-sezonin e tij të parë në Real Madrid – si një Galactico ‘mbipeshë’ që u paguan 160 milionë euro për të. I shëndoshë apo si të doni quajeni”.

“Ju do të shqetësoheni për të, sepse ai ka pasur 11 lëndime dhe të kthehet nga 11 lëndime dhe me pak lojë për dy vjet – ju duhet të jeni makinë, duhet të jeni një profesionist i madh”.

“Ju mund të argumentoni se gjatë gjithë karrierës së tij, ai gjithmonë ka luftuar me peshën e tij. Kur ju nënshkruan Real Madridi për 160 milionë euro, ju duhet të dilni në para-sezon në formë jetësore. Dhe ai u shfaq mbipeshë sepse ishte me pushime”, përfundoi ish-ylli irlandez.

Hazard ka luajtur vetëm 38 ndeshje që nga bashkimi me Real Madridin, duke shënuar katër gola dhe duke siguruar shtatë asistime. /Telegrafi/