Ballkani ka marrë fitore të madhe në udhëtim te Llapi me rezultat 0-3, në ndeshjen e mbetur nga xhiro e shtatë në Albi Mall Superligë.

Reklama

Suharekasit triumfuan falë një loje shumë më të mirë se kundërshtari dhe tani ndodhen vetëm një pikë mbrapa liderit Dritës.

Pas ndeshjes trajneri iIlir Daja e ka cilësuar si të vështirë duelin me Llapin, por fitore të merituar falë paraqitjes së mirë të futbollistëve të tij.

“Duke filluar që nga ndeshja me Gjilanin, Trepçën dhe Llapin, kemi tre udhëtime. Kemi marrë shtatë pikë nga tre ndeshje jashtë dhe nuk është keq. Rikthehemi te fitorja pas një barazimi me Trepçën ’89 dhe jam i lumtur”.

Reklama

“Gjithmonë me Llapin është vështirë, pasi edhe Llapi përkundër se ku ndodhet në tabelë është një ekip shumë i mirë. Na kanë mposhtur edhe ne edhe Dritën dhe gjithmonë ndaj tyre është e vështirë”.

Reklama

“Kemi shfrytëzuar rastin që kemi pasur, ishim gjithmonë në ekuilibër dhe kjo për meritë të futbollistëve që janë në formë pa u ndalur që nga 5 korriku kur kemi filluar me ndeshje”.

“Jemi në rrugën e duhur deri në këtë gjysmë të sezonit. Çfarëdo të ndodhë në ndeshjen e fundit prapë duhet të jemi të kënaqur se kemi bërë eksperiencë më të madhe me ndeshjet në Evropë dhe në Kampionat, edhe pse Ballkani futet në çdo ndeshje për fitore”, u shpreh Daja. /Telegrafi/