Kampioni në fuqi i NBA-së, Golden State Warriors është rikthyer te fitorja.

Të udhëhequr nga Steph Curry, Warriors kanë triumfuar në udhëtim tek Sacramento Kings me katër pikë diferencë 127:123.

Ndeshja ishte shumë e barabartë deri në fund e saj, ku në fund vendosi përvoja e kampionëve.

Steph Curry ishte fantastik në këtë takim me 42 pikë të shënuara, dy asistime e pesë kërcime.

Me lojë të mirë tek Warriors u dallua edhe Kevin Durant me 29 pikë e nëntë asistime dhe Klay Thompson me 20 pikë të tjera.

Budy Hield ishte më efikasi tek vendasit me 32 pikë, por që nuk mjaftuan të kthehen tek fitoret.

Me fitore ka vazhduar edhe San Antonio Spurs, që ka marrë triumfin e katërt radhazi.

Skuadra nga Teksasi ka mposhtur thellë Memphis Grizzlies me 20 pikë diferencë 108:88.

Pesë basketbollistë të vendasve arritën pikë dyshifrore, ndërsa më efikasi ishte White me 19 pikë i ndjekur nga Aldridge me 18 të tjera. /Telegrafi/

Rezultatet:

Denver Nuggets – Charlotte Hornets 123:110

Detroit Pistons – Utah Jazz 105:110

Philadelphia 76ers – Dallas Mavericks 106:100

Cleveland Cavaliers – New Orleans Pelicasn 98-133

Milwaukee Bucks – Toronto Raptors 116:123

San Antonio Spurs – Memphis Grizzlies 108:88

Portland Trail Blazer – Houston Rockets 110:101

Sacramento Kings – Golden State Warriors 123:127