Cristiano Ronaldo mungon në ‘formacionin e sezonit’ në Superligën e Arabisë Saudite

Cristiano Ronaldo është mposhtur në garë nga një tjetër ish-lojtar i Manchester Unitedit për një vend në ‘formacionin e sezonit’ të Pro Ligës Saudite.

Një vit më parë pati disa polemika nëse Ronaldo e meritonte apo jo të ishte në ekipin e sezonit në Ligën Premier.

Sigurisht që ai kishte shënuar 18 gola në ligë për një ekip të dobët të Unitedit, por fakti që ai mundi golashënuesin më të mirë Son Heung-min në 11-she, sigurisht që shkaktoi pak indinjatë.

Megjithatë, ylli portugez ka dështuar të bëhet pjesë e formacionin më të mirë të sezonit në kampionatin elitar saudit.

Pavarësisht se arriti të shënonte 14 gola në ligë dhe ta mbyllte sezonin si golashënuesi i pestë më i mirë i kampionatit, edhe pse ai u bashkua vonë, ai nuk është bërë ekipi i sezonit.

Në vend të kësaj, Odion Ighalo është i rrethuar nga Firas Al-Buraikan dhe Mourad Batna në treshen e sulmit, që do të thotë se golashënuesi më i mirë i ligës Abderrazak Hamdallah gjithashtu humbi vendin në 11-she.

Ekipi u zgjodh nga OPTA, kështu që padyshim është zgjedhur nga disa statistika që nuk mund t’i arrijmë, sepse mungesa e Hamdallah dhe golashënuesit të dytë më i mirë, Anderson Talisca, duket e çuditshme.

Ighalo ishte golashënuesi i tretë më i mirë i ligës me 19 gola në 27 ndeshje, që nuk është aq i mirë sa vitin e kaluar kur ai shënoi 24 gola.

Pjesë e formacionit ishin edhe portieri Marcelo Grohe, mbrojtësit Madallah Al-Olayan, Ahmed Hegazi, Ahmed Sharahili dhe Ghislain Konan, ndërsa në mesfushë, Gustavo zëri vend së bashku me Alejandro Romero (Kaku) dhe Romarinho.

Më poshtë keni formacionin e sezonit në Superligën e Arabisë Saudite nga Opta:

 

?? @ighalojude leads the line ?
5⃣ players from the champions @ittihad_en ?⚫️

Here’s your #RoshnSaudiLeague Team of The Season presented by @OptaAnalyst ? pic.twitter.com/ynZgxDcQC8

— Roshn Saudi League (@SPL_EN) June 7, 2023

/Telegrafi/