Courtois merr një shembull interesant kur pyetet për formën e Mbappes tek Real Madridi

Gjatë ditëve të fundit ka pasur shumë diskutime sa i përket formës së Kylian Mbappes tek Real Madridi.

Ai së fundmi humbi një penallti të rëndësishme ndaj Liverpoolit në Ligën e Kampionëve, ani pse ai shënoi vetëm katër ditë më vonë në fitoren e sotme (e diel) ndaj Getafes me rezultat 2-0.

Ky ishte goli i 10-të i Mbappes që prej se iu bashkua Real Madridit në verë dhe këtë shifër e ka arritur pas 19 ndeshjeve të luajtura.

Për shumë njerëz, kjo nuk është aspak një arritje, ani pse bashkëlojtari i tij Thibaut Courtois pret që ai tash e tutje të krijojë një formë të qëndrueshme.

Lexo po ashtu Real Madridi fiton ndaj Getafes dhe i bëhet hije Barcelonës

“Kylian Mbappe është një lojtar me kualitet të madh. Ai është si një shishe me keçap që ka sos brenda, ndonjëherë duket sikur nuk do të dalë jashtë, por papritmas del e tëra, dhe kjo është ajo që mendoj se do të ndodhë me të”, ka thënë Courtois.

Mbappe do të shpresojë se seria e golave të shënuar do të vazhdojë kur Real Madridi të rikthehet në aksion të mërkurën ndaj Athletic Bilbaos në udhëtim./Telegrafi/