Trajneri i Chelseat, Antonio Conte, ka thënë se nuk llogaritë si mik asnjë menaxher aktual të kampionatit anglez, Ligës Premier.

Conte po përjeton një sezon të vështirë në këtë fillim, me mediat që kanë filluar ta sulmojnë pas rezultateve të dobëta në kampionat dhe Ligën e Kampionëve.

Italiani nuk po merr mbështetje nga asnjë trajner tjetër në Ligën Premier dhe kjo po e brengos teknikun e Chelseat.

Futbollistët e Chelseat kundër metodave të stërvitjeve të Contes Futbollistët e Chelseat kundër metodave të stërvitjeve të Contes

Por, është vet Conte, i cili ka pranuar se që kur Leicester City e shkarkoi Claudio Ranieri nga detyra e trajnerit, tani ai nuk ka asnjë mik në Ligën Premier.

E njëjta nuk vlen edhe për trajnerët italian, Conte duke u përqafuar me Eusebio Di Francescon (Getty Images)

“A kam ndonjë shok? Sinqerisht, jo, nuk mendoj se tani kam ndonjë mik”, ka thënë fillimisht Conte.

“Para kësaj, kisha një marrëdhënie shumë të mirë me Claudio Ranieri dhe tani pas çmimeve për trajnerin më të mirë dhe lojtarin më të mirë në FIFA, shkuam për një darkë me gratë tona”.

Allegri: Conte është trajner i madh Allegri: Conte është trajner i madh

“Por, unë mendoj se është shumë e vështirë të flitet për ‘miqësi’ me trajnerë të tjerë, sepse ata bëhen kundërshtarë”.

“Ju mund të keni respekt, respekt për profesionin dhe punën, por për të folur për miqësinë është shumë e vështirë”, përfundoi trajneri italian. /Telegrafi/