Bytyqi në top formë, shënon dy eurogola dhe fiton një penallti në fitoren e lartë të Vikingut

Zymer Bytyqi ka vazhduar me formën e mrekullueshme në elitën e futbollit norvegjez.

Sulmuesi anësor ka qenë më i miri në fushë në fitoren e Vikungut 5-2 ndaj Aalesund.

Serinë e golave e hapi pikërisht ylli nga Kosova ku shënoi një gol fantastik pas asistimit nga De Souza.

Pjesa e parë përfundoi 1-1, ndërsa në minutën e 65-të anësori fitoi penallti të cilën në gol e shndërroi Veton Berisha.

Vetëm tetë minuta më vonë, ylli nga Kosova ka realizuar njërin nga golat më të bukur këtë vit në Norvegji.

24-vjeçari shënoi një gol të mrekullueshëm nga gjuajtja e lirë, duke konfirmuar kështu formën e mirë që po kalon.

🇽🇰🇳🇴 Zymer Bytyqi goal against Aalesund. 🔥🔥

[via @KosovoMagazine]pic.twitter.com/yAvoioMYiu

— Kosovan Football 🇽🇰 | 😷 (@kosovanfooty_EN) September 20, 2020

Kur në këtë moment sulmuesit e Kosovës po hasin në vështirësi, ndoshta trajneri Bernard Challandes është mirë ta ftojë Bytyqin në ndeshjet e muajit tetor, pasi sulmuesi anësor është njëri nga lojtarët më në formë të Kosovës.

Edhe xhiron e kaluar Bytyqi realizoi dy gola në fitoren 3-5 të Vikingut në udhëtim te Kristiansund.

Me dy golat e ditës së sotme, Bytyqi ka shkuar në kuotën e shtatë golave dhe pesë asistimeve në kampionatin norvegjez. /Telegrafi/

We'll leave this here 🎯🎯

Zymer Bytyqi 🇽🇰 [via @MagnusBarstad] pic.twitter.com/fCTYrbQxp7

— Kosovan Football 🇽🇰 | 😷 (@kosovanfooty_EN) September 20, 2020