Bradley Cooper së shpejti do të gjendet përpara një sfide të re. Aktori i famshëm është pranë marrëveshjes për një rol në filmin “Nightmare Alley” të regjisorit Guillermo del Toro.

Reklama

Mediat amerikane raportojnë se yllit hollivudian i është bërë oferta për këtë rol, mirëpo akoma nuk dihet nëse do ta pranojë atë.

Sipas njoftimeve, përfaqësues të të dyja palëve tashmë i kanë nisur bisedimet, ndërsa nëse e pranon rolin, Cooper do ta zëvendësojë Leonardo DiCaprion në këtë film.

Bradley Cooper dhe Leonardo DiCaprio (Foto: Handout/Getty Images/Guliver)

Del Toro do ta bëjë regjinë e filmit dhe do të jetë bashkautor i skenarit me Kim Morgan.

Të gjitha lajmet nga Bradley Cooper Të gjitha lajmet nga Bradley Cooper

Në vitin 1947, shtëpia televizive Fox e ka xhiruar filmin “Nightmare Alley”, ndërsa edhe projekti i ri do të bazohet në romanin me të njëjtin emër të William Lindsay Gresham.

Në filmin e atëhershëm, Tyrone Poëer e ka luajtur rolin e një të riu ambicioz, i cili është shoqëruar me një psikiatër, akoma më të korruptuar se ai.

Variety bën të ditur se roli fillimisht i është ofruar DiCaprios, mirëpo nuk është arritur marrëveshja që hamshori hollivudian të ishte pjesë e këtij filmi. /Telegrafi/