Boston Celtics është në gjysmëfinale të Konferencës lindore në Play Off.

Kampioni i shumëfishtë i NBA-së ka marrë fitoren e katërt në TD Garden për të kaluar tutje.

Pas 48 minutave lojë, Celtics triumfuan me rezultat të thellë 112-96 ndaj Milwaukee Bucks.

Al Horford dhe Rozier me nga 26 pikë të shënuara ishin më efikasit për vendasit.

Ndërkohë me paraqitje të mirë u dallua edhe ‘Rookie’, Jayson Tatum që shtoi 20 pikë, pesë kërcime dhe gjashtë asistime.

Mysafirëve nuk iu mjaftuan 32 pikët nga kapiteni i tyre Kris Middleton e as 23 të tjera nga Eric Bledsoe për të kaluar tutje.

Në gjysmëfinale të Konferencës së Lindjes, Celtics do të përballen me Philadelphia 76ers.

Ndërkohë në Perëndim kanë filluar seria e gjysmëfinaleve me ndeshjen mes kampionit në fuqi Golden State Warriors – New Orleans Pelicasn.

Kampioni aktual i NBA ka arritur fitoren e parë pasi ka triumfuar si vendas 123-101 ndaj Pelicans.

Klay Thompson me 27 pikë dhe Kevin Durant me 26 të tjera ishin më meritoret për këtë fitore të Warriors.

Por me paraqitje tejet të mirë u dallua edhe Draymond Green që bëri ‘triple-double’ me 16 pikë, 11 asistime dhe 15 kërcime.

Anthony Davis ishte më efikasi tek mysafirët me vetëm 21 pikë të shënuara që janë pikë nën mesataren e lojtarit. /Telegrafi/