Ish-kryeministri i Shqipërisë, Sali Berisha deklaroi se nuk e njeh vendimin e gjykatës që e detyron të paraqitet dy herë në muaj pranë shërbimit të provës.
Gjatë një konference për media nga selia blu, ish-kryeministri deklaroi se vendimi i GJKKO është në kundërshtim me Kushtetutën, pasi nuk është respektuar imuniteti i deputetit dhe është shmangur parlamenti.
Berisha la të kuptohet se nuk do të shkojë të paraqitet pranë shërbimit të provës, në bazë të masës së sigurisë që i është caktuar nga gjykata.
“Ajo që më përfaqësoi mua aty, ishte fytyra e vërtetë e Edi Ramës. Urdhri i gjykatës është i paligjshëm. Ajo që më përfaqësoi mua aty, ishte fytyra e vërtetë e Edi Ramës dhe është e paligjshme”, tha ish-kryeministri.
Berisha gjithashtu e cilësoi SPAK-un të dirigjuar nga kryeministri Rama. Si shembull për këtë ai pretendoi sekuestrimin e shpejtë të pronave të Jamarbër Malltezit, dhëndrit të tij.
Berisha nënvizoi se në rastin e biznesmenit Pëllumb Gjoka, SPAK përdori një standard të dyfishtë, ku ai u lejua të zbraste llogaritë bankare përpara se të bëheshin sekuestrimet.
“Profesor Abi Malltezit, pa provuar pas tri vitesh asnjë shkelje ligjore në mënyrë absolute, i vendosin sekuestro brenda orës, për të gjitha pronat e tij. Vrasësit Pëllumb Gjoka, mikut të ngushtë të skapistëve kriminelë, u detyruan t’i vendosin sekuestron megjithëse duhet të dini një gjë, regjistrimet e bisedave dhe mesazheve në EncroChat dhe SKY, gjykata franceze i ka pranuar si prova të mirëfillta krimi. Megjithëse janë dorëzuar, kanë kaluar 2 ose 3 muaj dhe vetëm dje u kujtuan se ky problem ekziston”, tha Berisha.
Gjithashtu, Berisha i bëri një ftesë publike kryeministrit Edi Rama që të votojë në kuvend amendamentin e propozuar prej tij në 2012 që i heq imunitetin deputetëve, duke i bërë ata të barabartë me qytetarët para drejtësisë.
“Me qëndrimin tim po mbroj Kushtetutën e Shqipërisë, përndryshe do të shkoj në gjykatë për të zbardhur të vërtetat e fshehura qëllimisht. Ndaj e ftoj edhe një herë Ramën të vij të votojë amendamentin që heq çdo mbrojtje për deputetët, deputetët e opozitës do ta mbështesin njëzëri. Unë nuk mund dhe nuk do lejoj që një gjykatës mercenar të rishkruajë kushtetutën në tavolinë. Jemi republikë parlamentare jo kryeministrore. Tani i bëj një ftesë publike Ramës, nëse është burrë, ta votojmë; ai është në qeveri ne jemi në opozitë”, tha Berisha. /Telegrafi/
Promo
Reklamo këtuLufta Prigozhin - Putin
Më shumëDASH për Telegrafin: Të gjitha raportimet janë të rreme - Escobar nuk është shkarkuar, emërohet në një pozitë tjetër sipas rrotacionit
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Atentati ndaj vëllait të Aleksandar Jabllanoviqit, flet zëvendësdrejtori i PK-së në Mitrovicën e Veriut
Pse do të reduktohet numri i dëshmitarëve në Gjykatën Speciale, sipas avokatit Musa
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'