Prishtina nuk ka mundur ta luaj ndeshjen e parë në edicionin e ri të Superligës së Kosovës.

Edhe pse ishte paraparë që nën kampioni i Kosovës të luaj me Gjilanin, ai takim është shtyrë pasi stadiumi Fadil Vokrri nuk ishte pranuar teknikisht nga MKRS.

Ndeshja e parë për stinorin e ri për kryeqytetasit do të jetë ajo ndaj Trepçës ’89 në Riza Lushta.

Kapiteni i kryeqytetasve, Visar Bekaj ka folur për faqen zyrtare të klubit ku është optimist para kësaj sfide.

“Edhe pse e nisim kampionatin me një javë vonesë, vlerësoj se e kemi atmosferën e mirë në skuadër, për mos të thënë shumë të mirë”.

Bekaj e vlerëson edhe rivalin e tyre Trepçën ’89, ku forca e tyre thotë se i motivon prishtinasit.

“Kundërshtari është i fortë dhe na jep motiv të mjaftueshëm për paraqitje tonë maksimalisht angazhuese”.

“Pres pa dyshim me cilësinë dhe potencialin që kemi të nisim kampionatin me fitore. Shpresojë në atmosferë të bukur sportive, si për ne, po ashtu edhe për publikun”, ka thënë portieri dhe kapiteni i skuadrës, Visar Bekaj. /Telegrafi/