Bëhet viral reagimi i Cole Palmer pasi u pyet nëse Chelsea është kandidat për titull

Cole Palmer u pyet nëse Chelsea duhet të konsiderohet si favorit për titull pas fitores së tyre me rezultat 4-3 ndaj Tottenhamit të dielën dhe përgjigja e tij është bërë virale. 

22-vjeçari u bë lojtari i parë në histori të Ligës Premier që ka shënuar në 12 penallti radhazi, teksa Chelsea u ngjit në pozitën e dytë në tabelë pas asaj fitore. 

Asnjë lojtar në Angli nuk është përfshirë më shumë në gola të shënuar që nga fillimi i sezonit të kaluar se sa Palmer, i cili tashmë ka kontribuar në 50 gola që prej transferimit nga Manchester City për 40 milionë euro. 

Në një intervistë për të përditshmen holandeze PlaySports, Palmer u pyet nëse ‘Blutë e Londrës’ janë kandidat për titull. 

Lexo po ashtu Cole Palmer ka shkruar historinë në Ligën Premier pas dy golave ndaj Tottenhamit

Siç mund ta shihni nga pamjet e mëposhtme, biseda ishte e shkurtër, por e ëmbël. 

Pasi ai tha “jo” me një fytyrë serioze, gazetari mbeti i befasuar nga ajo që tha Palmer duke iu përgjigjur: Me të vërtetë?, por pastaj anglezi bëri sërish me kokë duke pohuar atë që tha paraprakisht.

Cole Palmer’s reaction to Chelsea being considered title contenders is all-time 💀💙

‘We’re just starting this season. We’re just playing.’ 😤 pic.twitter.com/yYVZcEgyE0

— Optus Sport (@OptusSport) December 3, 2024

Më pas ai tundi krahët kur gazetari tregoi se Chelsea është katër pikë mbrapa liderit të tabelës Liverpoolit, por sërish Palmer tha se nuk janë favoritë. 

Duket se tek Chelsea duan të qëndrojnë me këmbë në tokë dhe të shkojnë ndeshje pas ndeshje, teksa rezultatet e tyre së fundmi janë përmirësuar dukshëm./Telegrafi/