Bayerni kërkon 48 milionë euro për Sanchezin

Zyrtarët e Bayern Munichut kanë pohuar se do të pranojnë të lirohen prej shërbimeve të Renato Sanchez në rast se ndonjë klub ka të gatshme 48 milionë euro.

Portugezi tashmë është një ndër objektivat e mesfushës së Milanit, ku bisedimet me bavarezët filluan javën e kaluar, por Karl-Heinz Rummenigge e ka bërë të qartë se ndonëse ylli i Portugalisë “nuk do të ketë minuta të mjaftueshme në dispozicion”, Bayerni nuk do ta shes shumë lirë.

Lexo po ashtu Të gjitha lajmet rreth Bayern Munichut

“Ai nuk do të ketë minuta të mjaftueshme në Bayern, kështu që ne jemi të gatshëm të negociojmë një marrëveshje për huazim dhe ndoshta përtej kësaj”, citohet të ketë thënë drejtori bavarez.

“Unë nuk jam trajner, por mendoj se Renato ka nevojë që të luajë rregullisht. Unë mund ta konfirmoj interesimin e Milanit, por bisedimet nuk përparuan javën e kaluar”.

“Nëse një klub është i interesuar për një lojtar të Bayernit, ata duhet të jenë të gatshëm të përballojnë shifrat e rëndësishme ekonomike dhe nuk mendoj se Milani është i gatshëm t’i plotësojë kërkesat tona.

“Dua të them se nuk jemi të gatshëm të pranojmë një ofertë nën 48 milionë euro”, tha gjermani, ku oferta e klubit italian ishte shtatë milionë për dy sezone në formë të huazimit dhe 40 milionë euro për blerjen definitive.

Kampioni i Bundesligas e kanë blerë Sanchesin prej Benficës për shumën prej 35 milionë euro, ndërsa 18-vjeçari ka bërë vetëm 25 paraqitje të shkurtra në sezonën 2016-17. /Telegrafi/