Barcelona thuhet se ka arritur një marrëveshje me sulmuesin holandez, Memphis Depay, i cili ishte lidhur edhe me një transferim te Juventusi.

Sipas mediumit Calciomercato.com, ylli holandez është i vendosur të zhvendoset në Camp Nou në një transferim falas pasi kontrata e tij me Lyon skadon në fund të muajit.

Juventusi ishte lidhur me sigurimin e shërbimeve të lojtarit pasi Zonja e Vjetër është në kërkim të një qendre sulmuesi të ri në verë.

Juventusi ka bërë ofertë shumë më të lartë se Barcelona për Depay Juventusi ka bërë ofertë shumë më të lartë se Barcelona për Depay

E ardhmja e Cristiano Ronaldos është në ajër, ndërsa Alvaro Morata do të qëndrojë i huazuar në Torino deri në qershor 2022.

Por, Calciomercato.com raporton se Depay ka nënshkruar një marrëveshje dy-vjeçare, me 5 milionë euro në vit me Barcelonën dhe një njoftim nga gjigantët e La Liga është afër.

Depay u bashkua me Lyonin nga Manchester Unitedi në një marrëveshje prej 16 milionë eurosh në vitin 2017.

Ai shënoi 22 gola në 40 paraqitje në të gjitha garat me gjigantët e Ligue 1. /Telegrafi/