Philippe Coutinho vazhdon të mbetet një problem te Barcelona.
Mesfushori brazilian ka luajtur vetëm dy ndeshje këtë edicion për Barcelonën, pasi ishte duke vuajtur nga një lëndim.
Megjithatë e ardhmja e tij duket larg kampionatit spanjoll, pasi ai nuk po arrin të përshtatet me stilin e lojës së Barcelonës.
Presidenti i klubit, Joan Laporta vazhdon të punojë për ta ulurin buxhetin e pagave dhe Coutinho është ndër lojtarët më të paguar në klub.
Mundo Deportivo ka raportuar se Barcelona ia ka ofruar Coutinhon dy skuadrave të mëdha italiane.
Juventus dhe Milan e kanë në dorë Coutinhon, nëse duan huazimin e tij në janar.
Barça është gati ta paguaj një pjesë të pagës së tij, por natyrisht që pjesa më e madhe i mbetet ekipit që e merr në huazim lojtarin.
Gjithsesi dy klubet italiane ende nuk i kanë kthyer përgjigje Barçës dhe po monitorojnë situatën e brazilianit deri në janar. /Telegrafi/
