Azpilicueta kërkon transferime të reja: Afrimet e reja nuk i zëvendësojnë të larguarit

Mbrojtësi i Chelseat, Cesar Azpilicueta thotë se është e qartë se ata duhet të bëjnë transferime të reja para mbylljes së afatit kalimtar të transferimeve.

Chelsea pësoi humbjen e tyre të parë në ditën e hapjes së sezonit të ri të Ligës Premier që nga viti 1998, pasi Burnley fitoi 3-2 në Stamford Bridge të shtunën.

Lexo po ashtu Fillim i keq për kampionin, Chelsea mposhtet në shtëpi (Video)

Kur u pyet nëse pajtohet me vlerësimin e menaxherit Antonio Conte se Chelsea ka nevojë për një skuadër më të madhe, mbrojtësi i Chelseat ka thënë: “Ju mund të shihni lojtarët që kemi humbur dhe lojtarët që ne kemi sjellë dhe se nuk është e njëjtë. Por, ne duhet ta dimë realitetin”.

Lexo po ashtu Bastoret ‘kryqëzojnë’ Conten, favoriti numër 1 për t'u shkarkuar këtë sezon në Ligën Premier

“Ne e dimë se të jesh kampion është edhe më i vështirë sezoni i ardhshëm – ne kemi përvojë të kësaj. Natyrisht ne kemi nevojë për lojtarë, gjithashtu për zhvillimin e lojtarëve të rinj”.

“Ata kanë nevojë për ndihmën e lojtarëve më të mëdhenj, që të mos nxitojnë ata në një pozicion ku ndoshta nuk janë gati për të shkuar në këtë moment, por mund të jenë në të ardhmen”.

“Unë mendoj se është diçka që klubi po punon me menaxherin dhe shpresojmë se mund të marrim njoftime të reja në javët e ardhshme”, përfundoi mbrojtësi spanjoll. /Telegrafi/