Athletic Bilbao blindon Nico Williamsin me kontratë dhjetëvjeçare, ia rrit dukshëm edhe klauzolën e largimit

Athletic Bilbao ka zgjatur zyrtarisht kontratën e sulmuesit anësor, Nico Williams, deri në vitin 2035, duke siguruar një nga talentet e tyre më premtuese për një kohë të gjatë dhe duke lënë me “gishta në gojë” Barcelonën, e cila e kërkonte me ngulm.

22-vjeçari, i cili është ngjitur në radhët e akademisë rinore të klubit, është vendosur si një lojtar kyç si për Bilbaon ashtu edhe për ekipin kombëtar spanjoll.

Marrëveshja e re e Williams nxjerr në pah angazhimin e Athletic Club për të mbajtur yjet vendas, mes interesit në rritje nga klubet e mëdha evropiane, përfshirë Barcelonën dhe Bayern Munich.

The power of the heart ❤️#AthleticWIN #AthleticClub 🦁 pic.twitter.com/1z6nai3TlQ

— Athletic Club (@Athletic_en) July 4, 2025

Klubi bask synon të ndërtojë një skuadër konkurruese, duke ruajtur traditën e saj të zhvillimit të talenteve vendase.

Përveç rinovimit të kontratës edhe për tetë vite, Bilbao ka njoftuar gjithashtu rritjen e klauzolës.

💥 Nico Williams signs eight-year contract extension at Athletic Club, until 2035.

The red and white winger will stay the next ten seasons at the club of his heart and his release clause increase more than 50% over the previous one.#NicoWilliams2035 #AthleticWIN 🦁

— Athletic Club (@Athletic_en) July 4, 2025

“Nico Williams nënshkruan zgjatje tetëvjeçare të kontratës me Athletic Club, deri në vitin 2035”.

“Anësori bardhekuq do të qëndrojë dhjetë sezonet e ardhshme në klubin e zemrës së tij dhe klauzola e tij e lirimit është rritur më shumë se 50% krahasuar me atë të mëparshmen”, thuhet në njoftim. /Telegrafi/