Antony thuhet se ka injoruar urdhrat e Ten Hag në derbin ndaj Cityt

Nënshkrimi 100 milionë euro i Manchester United, Antony, thuhet se ka injoruar urdhrat e Erik ten Hag për të ndihmuar mbrojtjen gjatë ndeshjes 6-3 të së dielës ndaj Manchester Cityt.

Ndërsa anësori brazilian shënoi në stadiumin “Etihad” në atë që ishte një pasdite poshtëruese për United, ai me sa duket nuk bëri mjaftueshëm në mbrojtje.

The Sun raporton se Ten Hag i tha shprehimisht Antonys se do të duhej të ndihmonte Diogo Dalotin kur United u vu nën presion nga City.

Ky mesazh u përhap në seancat stërvitore përpara derbit dhe përsëri para fillimit.

Por, Antony la të zemëruar si trajnerin e tij ashtu edhe Dalotin pasi ai me sa duket e harroi këtë aspekt të planit të tij të lojës.

Mbrojtësi i djathtë Dalot u pa duke kundërshtuar Antonyn, i cili u transferua në United nga ish-klubi i Ten Hag, Ajax në verë, pasi ai u ekspozua vazhdimisht nga Jack Grealish dhe Bernardo Silva.

Dalot u ndëshkua vetëm në minutën e dytë për një faull ndaj Grealish dhe mbeti i vetmuar në fazën defazive ndaj sulmeve të Cityt.

Mbrojtësi i majtë Tyrell Malacia u ndëshkua gjithashtu në pjesën e parë pasi City përdori krahët për efekt të shkëlqyer. Jadon Sancho, nga ana e tij, nuk ishte shumë më i mirë se Antony kur erdhi puna për t’u mbrojtur.

Paul Scholes bëri një postim thumbues ndaj Jadon Sancho dhe Antonys pas debaklit në Man City.

Ish-ylli i United, Paul Scholes, i është referuar mungesës së punës nga Antony dhe Sancho në një postim në Instagram.

I shoqëruar nga një foto e ish-shokëve të tij të skuadrës në United, Ryan Giggs dhe David Beckham, Scholes shkroi: ‘A e kujton ndokush kur anësorët ndihmonin mbrojtësit e krahut?’.

Duke pasur parasysh përvojën e Antony për stilin e lojës së Ten Hag nga Ajax, mosgatishmëria e tij për të ndihmuar mbrojtjen ishte edhe më befasuese. /Telegrafi/