Aniston kritikon mediat për shpifje

Aktorja e njohur Jennifer Aniston është shprehur se gratë janë të ekspozuara në thashetheme “absurde dhe ngacmuese” nga mediat.

Në një artikull të Huffington Post, aktorja ka mohuar thashethemet se ajo është shtatzënë para se të flasë për ndikimin e “objektivizmit dhe analizës nëpër të cilën kalojnë gratë”.

“Unë dua të marr pjesë në një bisedë më të gjerë që ka nisur dhe duhet të vazhdojë. Sa për informacion, unë nuk jam shtatzënë. Jam e lodhur,” ka shkruar ajo. “M’u ka mbushur kupa nga këto analiza dhe ngacmime sipërfaqësore që ndodhin përditë të fshehura nën titullin e “gazetarit”, “Amandamenti i parë” dhe “showbizi””.

Artistja e famshme është martuar me skenaristin Justin Theroux në muajin gusht të vitit të kaluar.

“Çdo ditë unë dhe burri im ndihemi të ngacmuar nga fotografë agresivë të vendosur jashtë shtëpisë tonë që janë të gatshëm të bëjnë çdo gjë vetëm që të sigurojnë ndonjë fotografi”, ka shtuar Aniston.

“Objektiviteti dhe analiza në të cilën përfshihen gratë është absurde dhe neveritëse. Mënyra se si më portretizojnë mediat është një reflektim i mënyrës se si i shohim femrat në përgjithësi, duke u krahasuar me një standard bukurie”, ka theksuar më tej artistja.

Për përfundim 47 vjeçarja është e lodhur nga të qenit pjesë e këtyre thashethemeve. Ajo ka shtuar se vetëm që trupi i saj po ndryshon, nuk do të thotë se duhet të cilësohet si e “plotë” ose “shtatzënë”. Ajo ka shprehur se njerëzit duhet të vetëdijesohen se standardet e bukurisë ekstreme po i shkaktojnë këto lajme të cilat dëmtojnë intelektin.