Jennifer Aniston duket se ka gjetur një mënyrë të përsosur për ta kthyer serialin “Friends”.

Me vite të tëra po flitet për xhirimin e episodeve të reja të hit serialit televiziv, duke qenë se fansat e shumtë akoma ëndërrojnë rikthimin e protagonistëve të tyre të preferuar.

“Friends” (Foto: Getty Images)

Mirëpo, jo të gjithë janë të mendimit për xhirimin e episodeve të reja. Një prej kundërshtarëve më të mëdhenj është Matt LeBlanc (që e ka luajtur rolin e Joey Tribbiani).

Aniston bën pjesë në grupin e atyre që ëndërrojnë xhirimin e episodeve të reja të “Friends”, ndërsa ka dhënë një ide interesante për ta ribërë serialin “The Golden Girls” (që është transmetuar gjatë viteve 1985 – 1992), ku do të luante ajo së bashku me Courteney Cox dhe Lisa Kudrow.

“Para se të përfundonte seriali, njerëzit pyesnin se a do të ktheheshim. Courteney, Lisa dhe unë kemi folur për këtë gjë. Unë po ëndërroj për të”.

Aktorët e”Friends” në emisionin “Tonight Show” (Foto: Getty Images)

“Ka qenë puna më e mirë që kam pasur. Nuk e di si do të dukej sot, por nuk i dihet kurrë. Shumë seriale po ribëhen me sukses”.

“E di se Matt LeBlanc nuk dëshiron që t’i bëhet më kjo pyetje. Por, ndoshta mund ta bindim”.

“Ose mund t’i japim kohë dhe pastaj Lisa, Courteney dhe unë mund ta ribëjmë ‘The Golden Girls’ duke i kaluar vitet tona të fundit në mobilie”, ka thënë Aniston. /Telegrafi/

Aktorët e”Friends” (Foto: Getty Images)