Ancelotti diplomon në Universitetin e Parmës, rektori konfirmon largimin e tij drejt Brazilit

Paolo Andrei, rektor i Universitetit të Parmës, përgatiti një fjalim emocionues gjatë ceremonisë në të cilën Carlo Ancelotti diplomoi si master në Shkenca dhe Teknika të Veprimtarisë Parandaluese dhe të Përshtatshme Motorike.

Ndër fjalët e tij falënderuese dhe lavdëruese për karrierën e tij brilante, nuk ka kaluar pa u vënë re edhe detaji i mëposhtëm, ku konfirmoi të ardhmen e tij.

“Në vitin 2024, një aventurë e jashtëzakonshme e pret Carlo Ancelottin që për shumë trajnerë do të ishte vetëm një ëndërr: bankina braziliane”, ka thënë fillimisht Andrei.

“Ai është i huaji i parë i gjashtëdhjetë viteve të fundit që do ta drejtojë Brazilin. I katërti në të gjithë historinë e tij”.

🚨🚨| Paolo Andrei, Head, Parma University while honoring Carlo Ancelotti:

“In 2024, Ancelotti has an extraordinary adventure awaits him, which for many coaches would be just a dream: Brazil's bench. He is the first foreigner in the last 60 years to manage them.” @relevo pic.twitter.com/JtzcMlaBRk

— Madrid Zone (@theMadridZone) October 11, 2023

“Admirimi që ndjejmë ndaj tij është i përgjithësuar dhe shkon përtej çdo kufiri apo skuadre. Çmimi i Carlos do të jetë çmimi i fundit që ai jep”, përfundoi rektori.

Edhe Ancelotti shumë i emocionuar mbajti një fjalim për të nxjerrë në pah vlerat që e kanë bërë të arrijë majat dhe t’i përkushtohet futbollit me kaq sukses fillimisht si lojtar dhe më pas si trajner për 44 vite.  Ai nuk iu referua, në asnjë rast, të ardhmes së tij në Real Madrid.

Trajneri përfundon kontratën e tij më 30 qershor dhe tashmë i është dashur të qetësojë thashethemet për largimin e tij në Brazil pasi Ednaldo Rodrigues, presidenti i Konfederatës Braziliane të Futbollit, siguroi më 5 korrik se Ancelotti tashmë do të drejtonte ekipin Canarinha për Copa America që do të mbahet duke filluar nga 20 qershori 2024. Diçka që u konfirmua më vonë gushtin e kaluar. /Telegrafi/