Aksidenti me makinë – aktorja Anne Heche nuk pritet të mbijetojë

Aktorja amerikane, Anne Heche, nuk pritet të mbijetojë, ka thënë familja e saj, pas një aksidenti me makinë në fillim të kësaj jave.

Ajo mbetet në koma dhe kishte “një dëmtim të rëndë anoksik të trurit”, thuhet në një njoftim – kur truri është i privuar nga oksigjeni.

“Ne duam të falënderojmë të gjithë për urimet dhe lutjet për shërimin e Anne dhe falënderojmë stafin e përkushtuar dhe infermieret e mrekullueshme”, shtuan ata.

Makina e saj u përplas në një shtëpi dykatëshe në Los Angeles javën e kaluar.

Lexo po ashtu Gjatë aksidentit me makinë, Anne Heche thuhet se ishte nën ndikimin e substancave narkotike

Policia tha të premten se testet paraprake të gjakut kanë zbuluar praninë e drogës – por nevojiteshin testime shtesë për të përjashtuar çdo substancë të dhënë në spital.

53-vjeçarja nënë e dy fëmijëve ka luajtur në filma duke përfshirë “Donnie Brasco”, “Cedar Rapids” dhe “Psycho” të vitit 1998.

Heche është shfaqur gjithashtu në “”Dancing ëith the Stars” të Amerikës.

Ajo është gjithashtu ish-partnerja e prezantueses amerikane, Ellen DeGeneres. /Telegrafi/