“Nuk i dua të argjendtat”, momenti epik kur Mourinho i dhuroi medaljen e tij një tifozi pas finales

Jose Mourinho hodhi medaljen e tij të argjendtë të Ligës së Evropës te një tifoz i ri i Romës në tribunë pasi skuadra e tij u mund nga Sevilla në penallti.

Sevilla u kurorëzua kampione e Ligës së Evropës për herë të shtatë mbrëmjen e së mërkurës, pasi ndeshja e rregullt dhe vazhdimet u mbyllen baras 1-1.

Megjithatë, klubi spanjoll e zgjeroi rekordin e saj të jashtëzakonshëm në këtë garë pasi Gonzalo Montiel shënoi penalltinë e fitores.

Lexo po ashtu Mourinho pas humbjes në finale: Gjyqtari dukej spanjoll, shkojmë në shtëpi të vdekur për shkak të një padrejtësie

Skuadra e Jose Luis Mendilibar shpejt festoi triumfin e tyre në Ligës të Evropës, por përpara se të ngrinte trofeun, Mourinho mori medaljen e tij dhe ia dha atë një tifozi të ri në tribunën e Puskas Arena.

Pas ndeshjes, “Special One” tregoi pse e bëri atë gjest duke dhuruar medaljen.

“Unë i mbaj medaljet e arta, nuk i dua ato të argjendta dhe i dhuroj gjithmonë”, ka thënë Mourinho pasi humbi finalen e tij të parë si trajner.

Jose Mourinho threw his Europa League runners-up medal into the crowd after the Europa League final.#UELfinal    #UEFAEuropaLeague #SevillaRoma #SEVASR pic.twitter.com/Ky3qLKuslV

— Obi not cubana 👑 (@Obinnamichael02) May 31, 2023

Ndryshe, Mourinho deri para kësaj humbje kishte pesë fitore nga pesë finale të luajtura në garat evropiane.

Siç mund ta shihni në fotot e mëposhtme, djali fatlum që mori medaljen e argjendtë, pozoi menjëherë me të dhe fotot e tij u bënë virale në rrjetet sociale. /Telegrafi/

A Roma supporter holds the medal, that Jose Mourinho threw into the crowd #UELfinal pic.twitter.com/U2FpMWK13D

— H (@HQpcrt) May 31, 2023