Zyrtarë të lartë të administratës së Presidentit Trump, po mohojnë të jenë autorë të shkrimit anonim të gazetës New York Times, botuar të mërkurën në rubrikën e opinioneve, ku kritikohet stili i udhëheqjes së Presidentit si “meskin dhe joefektiv”.
Duke folur gjatë një vizite në Indi, Sekretari i Shtetit, Mike Pompeo e quajti artikullin “për të ardhur keq” dhe tha se ai i shikon si jashtëzakonisht shqetësuese “përpjekjet e medias për të minuar administratën”.
Zyra e nënpresidentit Mike Pence tha se ajo qëndron“mbi këto veprime amatore”.
Drejtori i zbulimit kombëtar, Dan Coats, nxori një deklaratë ku thuhej: “Spekulimet se artikulli redaksional në ‘New York Times’ është shkruar nga unë ose zëvendësi im, janë krejtësisht të rreme. Nuk e kemi shkruar ne”.
Të tjerë zyrtarë që mohuan të ishin ata autorët, ishin Sekretari i Mbrojtjes, Jim Mattis, Ambasadorja e OKB-së, Nikki Haley, Sekretari i Thesarit, Steve Mnuchin, Drejtorja e Sigurisë Kombëtare, Kirstjen Nielsen, Sekretari i Punës, Alex Acosta dhe ai i Energjisë, Rick Perry.
Gazeta tha se autori ishte një zyrtar i lartë i administratës, puna e të cilit do të rrezikohej nëse identiteti i këtij personi do të bëhej publik.
Autori këmbëngul se impulset më të rrezikshme të presidentit, shpesh frenohen nga personeli i tij.
Autori shkruan se “mund të jetë një ngushëllim i vogël në këtë periudhë kaotike”, por do që amerikanët ta dine “se ka të rritur në sallë”.
Presidenti Trump reagoi me zemërim. Përpara se të kërkonte në Twitter që gazeta të tregojë emrin, ai u përpoq të hedhë dyshime: “A ekziston vërtet i ashtuquajturi zyrtar i lartë i administratës, apo është një tjetër burim i rremë i gazetës së dështuar New York Times?” pyeste Presidenti Trump.
“Na duhet të merremi me këtë dhe ju e dini që mediat e pandershme na bëjnë që ju njerëzit të merreni me këtë, ashtu si dhe unë. Është vërtetë një turp. Por dua të them këtë: askush nuk ka bërë atë që ka bërë kjo administratë në drejtim të realizimit të gjërave”, tha ai.
Kërkesa erdhi, pak pasi Presidenti Trump botoi një mesazh vetëm me një fjalë në Twitter: “TRADHËTI?”
Një ish-zyrtar i lartë i administratës së Presidentit Obama, Ned Price, tha se presidenti mund mos jetë dakord me atë që thotë autori por se “nuk ka asgjë në atë shkrim që përmban informacion të ndjeshëm sigurie kombëtare. Kur Trump sugehron të kundërtën, bëhet i paqartë një kufi tek i cili mbështetet demokracia jonë, për të ruajtur lirinë e shprehjes”.
Trump, përveç artikullit, kritikoi edhe gazetën.
“Ata nuk e pëlqejnë Donald Trumpin dhe unë nuk i pëlqej ata sepse janë të pandershëm”, u tha presidenti gazetarëve.
Në editorial thuhet se në fillim, ishte folur për të përdorur amendamentin e 25-të të Kushtetutës – që parashikon masat për heqjen e një presidenti – por autori shton se “askush nuk donte që të shkohej në një krizë kushtetuese. Prandaj ne do të bëjmë ç’të mundemi për ta çuar administratën në drejtimin e duhur deri kur në një mënyrë, apo tjetrën të vijë fundi, sido që të vijë ky fund”.
Në opinionin anonim përmenden episode anekdotike të përfshira në librin e ri të gazetarit Bob Woodward “Frikë”, ku thuhet se stafi i presidentit ka hequr dokumente të rëndësishme nga tavolina e tij që ai të mos i nënshkruante. Dje, zoti Trump e quajti në mënyrë të përsëritur librin “sajesë”. /voa/
Promo
Reklamo këtuLufta Prigozhin - Putin
Më shumëNga Rubrika
Pasagjerët u larguan të hutuar dhe të lagur gjatë fluturimit 4 orësh për në New York
Shpërndajnë propagandë dhe dezinformata, BE-ja ndalon katër media të tjera ruse
Moment dramatik në Xhakarta – punonjësi i aeroportit bie nga aeroplani, nuk e vëren se kishin lëvizur shkallët e daljes
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
Moment dramatik në Xhakarta - punonjësi i aeroportit bie nga aeroplani, nuk e vëren se kishin lëvizur shkallët e daljes
Demografia evropiane - cili shtet ka natalitetin më të lartë dhe ku qëndron Kosova?
Shkencëtarët mund të kenë zgjidhur misterin që fshihet prapa ndërtimit të piramidave të Egjiptit
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë
Ushqimet e linjave ajrore dikur ishin të bollshme dhe luksoze - një histori e shkurtër se si kanë ndryshuar gjatë viteve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore