Argjend Mustafa dhe Prishtina ishin ndarë me marrëveshje të dyanshme para disa ditësh.

Ai pas shkëputjes së kontratës me Prishtinën është bashkuar me Llapin

“Argjend Mustafa nga sot është pjesë e Llapit. Mesfushori ofanziv, nuk ka pasur shumë dilema në përzgjedhjen për edicionin e ri dhe pa hezitim ka pranuar ofertën e Llapit për edicionin e ri të Superligës”.

Pamje nga prezantimi i Mustafës te Llapi (Foto: Llapi/facebook)

“Argjend Mustafa, 25 vjeç, i lindur më 22.10.1993 në Therandë, mesfushor ofanziv i gjatë 1.75 m. Ka përvojë në futbollin e Kosovës dhe të Shqipërisë. Mustafa ka luajtur për skuadrat e Trepçës e Trepçës ’89”.

“Më pas u transferua tek Skënderbeu i Korçës. Pasi përfundoi edicionin me Prishtinën me 29 paraqitje dhe dy asistime, Argjend Mustafa është i gatshëm për një aventurë të re pikërisht me Llapin drejt titullit kampion dhe daljes në Evropë”, shkruan klubi llapjanas.

Mustafa është një nga shumë transferimet e Llapit këtë edicion. /Telegrafi/