LAJMI I FUNDIT:

ZYRA PËR HERONJTË E RËNË

ZYRA PËR HERONJTË E RËNË
Xhevdet Bajraj (Foto: A. Sh)

Poezi nga: Xhevdet Bajraj

Heronjtë do ta kenë luftën e tyre
varret e tyre
jetimët e tyre
të vejat e tyre
të cilat në Ditën Ndërkombëtare të Vejushave
do të çojnë lule të freskëta në varret e tyre

Udhëheqësit e tyre do t’i kenë zyrat e veta
për heronjtë e rënë
ku do t’i përtypin ngadalë ditët
deri në fund të jetës së tyre

Kur t’u bien ndër mend heronjtë e rënë
në shenjë respekti për ta
do të marrin një dhomë në një hotel luksoz
një shishe verë të kuqe të vitit të rënies së tyre
dhe do të bëjnë seks
me njërën nga dashnoret e shumta të tyre

(“Kur qajnë hardhitë”, SHB “Armagedoni”, 2019)