LAJMI I FUNDIT:

Zbulohet arsyeja pse Atletico Madridi refuzoi ofertën e çmendur të Man Utd për Joao Felix

Zbulohet arsyeja pse Atletico Madridi refuzoi ofertën e çmendur të Man Utd për Joao Felix

Manchester Unitedi ka pasur një ofertë prej 130 milionë euro për sulmuesin Joao Felix të refuzuar nga Atletico Madridi dhe tashmë është zbuluar edhe arsyeja pas këtij refuzimi.

Shifra mund të duket tërheqëse për skuadrën spanjolle, të cilët janë mësuar të shesin lojtarët e tyre më të mirë, por ata e kanë konsideruar “ofertën e rëndësishme” si mjaft të ulët në krahasim me statutin e sulmuesit.

Atletico Madrid bleu Felixin për një tarifë rekord në vitin 2019 dhe ata mendojnë se potenciali masiv i 22-vjeçarit nuk reflektohet plotësisht në qasjen e Djajve të Kuq.

Si rezultat, ata ia kanë bërë të qartë qëndrimin drejtuesve të Unitedit dhe trajnerit të tyre Erik ten Hag.

Refuzohet edhe oferta e çmendur e Manchester United për Joao Felix
Lexo po ashtu Refuzohet edhe oferta e çmendur e Manchester United për Joao Felix

Pse Atletico Madridi e refuzoi ofertën e Man Utd për Joao Felix?

Ka shumë faktorë prapa vendimit të Atletico Madridit për të refuzuar ofertën e United për yllin portugez.

Para së gjithash, Atletico nuk dëshironte të mërzitë tifozët e tyre duke shitur një aset të tillë kyç, veçanërisht me sezonin e ri të La Ligës që tashmë ka filluar.

22-vjeçari bëri një paraqitje të shkëlqyer teksa skuadra e Diego Simeone filluan sezonin me një fitore 3-0 kundër Getafe. Ai asistoi të tre golat, ku dy erdhën nga Alvaro Morata dhe një tjetër nga Antoine Griezmann.

Atletico gjithashtu beson se klubi i Old Trafford nuk shihet më si një destinacion kaq i shkëlqyer transferimi – një faktor që do t’i ndihmojë ata të bindin Felixin të qëndrojë.

Megjithatë, edhe më vendimtar është fakti që Atletico nuk do të merrte në xhep të gjithë tarifën e ofruar nga Unitedi. Pranimi i ofertës do të nënkuptonte shitjen e Felixit për vetëm tre milionë euro më shumë se sa ata paguanin fillimisht për ta blerë atë nga Benfica.

Felixit i kanë mbetur edhe tre vjet nga kontrata që nënshkroi kur u transferua nga Portugalia. Amortizimi – shuma e parave që i detyrohen ende Benficës ose bankës nga marrëveshja fillestare – do të ishte rreth 64 milionë euro.

Pas zbritjes së zhvlerësimit nga oferta e bërë nga Unitedi, Atletico do të fitonte rreth 66 milionë euro për të në terma realë, duke e bërë marrëveshjen më pak tërheqëse për Los Rojiblancos.

Nga blerjet e mëdha të verës, Haaland dhe Nunez deri te Neymar, Mbappe dhe Ronaldo - 100 transferimet më të shtrenjta të të gjitha kohërave
Lexo po ashtu Nga blerjet e mëdha të verës, Haaland dhe Nunez deri te Neymar, Mbappe dhe Ronaldo - 100 transferimet më të shtrenjta të të gjitha kohërave

Sa do të kërkonte Atletico për Felix?

Atletico Madrid beson se do të kishte qenë e papërgjegjshme të shitej Felix për çmimin e përmendur nga Manchester United.

Ata do të kishin menduar për shitjen nëse oferta do të ishte për rreth 250 milionë euro, megjithëse mund të duhej një klub të përputhej me klauzolën e lirimit prej 350 milionë euro për të arritur një marrëveshje.

Felix pritet të jetë një lojtar vendimtar i skuadrës së Atleticos këtë sezon. Dëmtimet e kufizuan atë në vetëm 24 paraqitje në La Liga sezonin e kaluar, 11 prej të cilave ai i filloi si titullar, dhe ai arriti të shënonte tetë gola dhe katër asistime. /Telegrafi/

Në trend Sport

Më shumë
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
Greenwood mund të largohet nga Man Utd për t'u bashkuar me ekipet rivale nga Liga Premier

Greenwood mund të largohet nga Man Utd për t'u bashkuar me ekipet rivale nga Liga Premier

Premier League
I thjeshti, i vështiri, ideali dhe i brendshmi – katër opsionet e Barcelonës për trajnerin e ri

I thjeshti, i vështiri, ideali dhe i brendshmi – katër opsionet e Barcelonës për trajnerin e ri

La Liga
Kalo në kategori