Është publikuar paraqitja e parë e shkurtër e “Extremely Wicked, Shockingly Evil and Vile”, ku paraqitet Zac Efron në rolin e vrasësit serik, Ted Bundy.

Filmi më shumë është i bazuar në shfaqjen e reagimeve të njerëzve lidhur me vrasjet e shkaktuara nga Bundy. Por, në disa raste shihet protagonisti duke kryer veprat kriminale.

Fokusi është te opinioni amerikan që debaton nëse sharmanti dhe i bukuri Ted është vërtet fajtor apo e kanë dënuar pa të drejtë.

Zac Efron në rolin e vrasësit serik Ted Bundy (Foto: Screenshot/YouTube/Voltage Pictures)

Lily Collins luan rolin e partneres së tij, Elizabeth Kloepfer, e cila e gënjen veten se ai nuk është vrasës, por megjithatë në fund e lajmëron në polici.

Lajmet për Zac Efron Lajmet për Zac Efron

Joe Berlinger e ka bërë regjinë e këtij trilleri me skenar të Michael Werwie, ndërsa krahas Efron dhe Collins, luajnë edhe Kaya Scodelario e John Malkovich.

Premiera botërore e filmit “Extremely Wicked, Shockingly Evil and Vile” është caktuar të jepet të shtunën (26 janar) në Festivalin Sundance, kurse më pas do të nisë shfaqja nëpër kinema.

Theodore Robert Bundy (1946 – 1989) ka qenë një vrasës serik amerikan, rrëmbyes, përdhunues, hajdut dhe nekrofil, i cili ka vrarë dhjetëra femra në vitet e shtatëdhjeta.

Pas mohimit prej më shumë se një dekade, pak para ekzekutimit, ai kishte pranuar se ka shkaktuar 30 vrasje në shtatë shtete në SHBA, gjatë viteve 1974 – 1978. Numri i saktë i viktimave të tij akoma nuk dihet dhe besohet se është më i madh.

Bundy u ekzekutua në karrige elektrike në burgun shtetëror të Floridës më 24 janar 1989. /Telegrafi/

View this post on Instagram

#extremelywickedshockinglyevilandvile #tedbundy | @zacefron @joeberlingerfilms | excited to see a modern take on Ted (and see Zac outside his comfort zone of comedy and romance clichès. Everyone has their own opinion, but I think ZEfron will hit it out of the park.)

A post shared by 𝐓𝐄𝐃 𝐁𝐔𝐍𝐃𝐘 (@tedbundyig) on Nov 29, 2018 at 12:47pm PST