SHBA-ja pret dritën e gjelbër nga qeveria irakiane për vendosjen e sistemeve antiraketore “Patriot”, në bazat e përdorura nga ushtria amerikane në Irak, shënjestra të raketave iraniane, theksoi sot kreu i Pentagonit, Mark Esper.

Si kundërpërgjigje për eliminimin nga Washingtoni të gjeneralit, Qassem Soleimani në Bagdad, Irani ka goditur me 11 raketa bazën ajrore të Ain al-Assad dhe atë të Erbilit, ku ndodheshin disa prej 5 200 ushtarëve amerikanë të vendosur në Irak.

Asnjë ushtar nuk është vrarë, por dhjetëra prej tyre kanë qenë viktima të tronditjeve në kokë si pasojë e shpërthimeve të fuqishme dhe Uashingtoni kërkon tashmë t’i mbrojë më mirë këto baza duke vendosur aty sisteme mbrojtëse antiajrore “Patriot”./ATSH/