Kosova mbrëmë ka arritur të shënojë fitore të madhe ndaj Malit të Zi me rezultat 2-0 dhe natyrisht se nuk mungoi as spektakli në tribuna.

Ndonëse emocionet ishin të mëdha, të gjithë u bënë bashkë për të përkrahur vendin tonë, nga afër e po ashtu edhe nga larg.

Në mesin e tyre është edhe ambasadorja e Kosovës në Shtetet e Bashkuara të Amerikës (ShBA), Vlora Çitaku, e cila nuk e fshehu entuziasmin e saj kur Muriqi, shënoi golin e dytë dhe të fundit në fitoren e Kosovës, duke deklaruar se me të do të shkonte edhe në luftë.

“Ky ekip është fantastik!Muriqin e du fort. Për ju që e keni shikuar Game of Thrones, a po bre si Dorthraki?! Fearless. E kam thanë edhe ma herët, në luftë kisha shku me të”, ka shkruar në postimin e saj Çitaku.

Të gjitha lajmet nga Vlora Çitaku Të gjitha lajmet nga Vlora Çitaku

E njëjta publikoi edhe një postim tjetër me përshkrimin, “E po shpejtë na i keni zgjuar shpresat e na i keni rritur ambiciet, Kosovë oj zemër e madhe”.

Theksojmë që Vlora është një personazh mjaft i ndjekur në rrjetet sociale dhe shpesh ndan me ndjekësit opinionet e saj rreth çështjeve të ndryshme politike në vend.

Nga ana tjetër, Kosova me këtë fitore tani ka 11 pikë, një më pak se Çekia. /Telegrafi/