Vjen reagimi i Ponte Prizrenit: Së shpejti do të dalim me vendim për vazhdimin apo mosvazhdimin e kampionatit të ardhshëm
Ponte Prizreni ka reaguar lidhur me vendimin e Komesarit të Garave për ndeshjen e pestë gjysmëfinale të ‘play-offit’ ndaj Pejës, të cilin e ka konsideron “tendencioz, të njëanshëm dhe pa asnjë bazë e argument”.
Në duelin e të martës pati dhunë në ndeshjen vendimtare që duhej të përcaktonte finalistin, ashtu që takimi u ndërpre nga gjyqtarët, ndërsa më vonë eskaloi në përleshje mes lojtarëve dhe stafit.
Federata e Basketbollit të Kosovës doli me njoftim duke e regjistruar takimin me rezultat zyrtar (20:0) në favor të Pejës, ndërsa janë shqiptuar edhe shumë gjoba me para dhe suspendime për lojtarët.
Në reagimin e Pontes thuhet se “në të gjitha kompeticionet sportive, në kohën kur ushtrohet dhuna, akterët, lojtarët duhen të ndëshkohen me gabime diskualifikuese, në të njëjtën kohë të merren deklarata të të apostrofuarve dhe në raportin shtesë të policisë dhënë emergjencës (ndihmës së parë) të merret vendim juridik e jo vendim i tekeve të një personi”.
“Kërkojmë transparencë se nga i vërtetoi dhe identifikoi zyrtarët si tifozë dhe ku e ka dëshminë që ne ishim iniciatorë. Ne si klub kemi dënuar rastin, dhe kërkojmë falje publike ndaj KB Peja dhe ndaj gjithë dashamirëve të basketbollit kudo që janë. Skena të tilla asnjëherë nuk kanë qenë në frymën tonë sportive”.
“Ekipeve finaliste ju dëshirojmë suksese në finale, ndërsa së shpejti do dalim me vendimin zyrtar, për vazhdimin apo mos vazhdimin e kampionatit të ardhshëm”, shkruan në reagimin e klubit nga Prizreni.
Kujtojmë që Ponte Prizreni përfundoi në vend të parë në kohën e rregullt dhe tashmë është diskualifikuar nga gara.
Më poshtë postimi i plotë (i paedituar) i Ponte Prizrenit:
Pas vendimit të Komesarit të garave, KB PONTE PRIZRENI del me këtë :
K O M U N I K A T Ë
-Regjistrimi i rezultatit zyrtar 20:0 në favor të KB Peja nga ana e Komesarit të garave Kurshumliu është tendencioz, dhe i një anshëm dhe pa asnjë bazë e argument!.
-Vendimi si duket paska qenë i gatuar nga ai sa që hala pa filluar dita mirë e servoi atë në faqen zyrtare të FBK – së.
– Në të gjitha kompeticionet sportive, në kohën kur ushtrohet dhuna, akterët, lojtarët duhen të ndëshkohen me gabime diskualifikuese, në të njejtën kohë të merren deklarata të të apostrofuarve dhe në raportin shtesë të policisë dhen emergjencës (ndihmës së parë) të merret vendim juridik e jo vendim i tekeve të një personi i cili aq më shumë ka qenë gangrena e basketbollit për sa vite ka qenë Komesar i garave.
– Kërkojmë transparencë se nga i vërtetoi dhe identifikoi zyrtarët si tifozë dhe ku e ka dëshminë që ne ishim iniciatorë.
-Ne si klub kemi dënuar rastin, dhe kërkojmë falje publike ndaj KB Peja dhe ndaj gjithë dashamirëve të basketbollit ku do që janë. Skena të tilla asnjëhere nuk kanë qenë në frymën tonë sportive.
– Po ky komesar ishte ai që prishi edhe raportet mes dy klubeve, i cili peshën e ndeshjes pa i dhënë rëndësi delegoi gjyqtarë jo kualitativ të cilët me menaxhim katastrofik të ndeshjes e paraprijnë që fundi të jetë i dhunshëm edhe si pasojë e përfundimi erdhi: Ekipi kampion i stinorit të rregullt, të diskualifikohet nga gara, ndërsa ekipit mik i pezullon dy lojtarët kyq duke i prishur komplet imazhin e kampionatit që ishte pa dyshim më e mira në historinë e basketbollit.
KB PONTE PRIZRENI nuk do të ankohet në shkallën e dytë pasi se edhe aty, servimi do vjen i njejtë.
Por do angazhojmë avokatin e klubit z. Gent Gjini i cili do pregadisë një padi penale.
-Historikisht sukseset e klubit tonë dhe qytetit të Prizrenit, kanë qenë çdo herë jo të pëlqyera nga Kurshumlia.
-Klubi jonë është gjobitur me afro 6000€, dhe këtu ju konfirmojmë që jemi klubi ndoshta më i përpiktë për kryerjen e obligimeve. Nga arka e klubit nuk do paguajmë asnjë cent për këto dënime deri sa nuk do kemi transparencë se sa të holla kanë borgje skuadrat tjera.
-Ekipeve finaliste ju dëshirojmë suksese në finale, ndërsa së shpejti do dalim me vendimin zyrtar, për vazhdimin apo mos vazhdimin e kampionatit të ardhshëm.
-Nuk do lejojmë që gjithë investimin, djersën e mundin e sponzorëve, lojtarëve ta shuan një njeri.
Prizren 05.05.2021 , Bordi i KB PONTE PRIZRENI
Lufta Prigozhin - Putin
Më shumëNga Rubrika
“Ka pasur momente kur kam qenë më i mirë se Messi” – Enis Bardhi tregon se krahasimet me argjentinasin e bëjnë krenar
Mësohet shuma e parave që Ten Hag do të ketë në dispozicion për blerje gjatë verës
Leicester City fiton rikthimin në Ligën Premier pa e zhvilluar ndeshjen
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zbulohet favoriti i ri për të fituar Topin e Artë 2024: Haaland mbetet mbrapa në garë
Leicester City fiton rikthimin në Ligën Premier pa e zhvilluar ndeshjen
Juventusi mëson çmimin që duhet të paguajë për transferimin e Edon Zhegrovës
Mjafton goli i Guler, Real Madridi arkëton tri pikë në udhëtim tek Real Sociedadi
Mësohet shuma e parave që Ten Hag do të ketë në dispozicion për blerje gjatë verës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre