Mbrëmë janë luajtur tetë ndeshje në ligën më të fortë të basketbollit në botë.

Ekipet e NBA-s po vazhdojnë kampionatin gjersa disa prej tyre kanë filluar të mendojnë edhe për fazën e “play-off”.

Ndeshja më e fortë e mbrëmjes ishte mes Minnesota Timberwolves dhe Memphis Grizzlies, ku kjo e fundit pësoi humbje me dy pikë diferencë, 99:97.

Në fakt, takimi në kohën e rregull përfundoi me rezultat të barabartë dhe për këtë arsye fituesi është dashur të mësohet pas vazhdimeve prej pesë minutave.

Te “ujqërit” më efikasi ishte Jerryd Bayless me “double-double” prej 19 pikëve dhe 12 asistimeve gjersa u ndihmua edhe nga Karl Anthony-Towns, i cili shtoi 16 pikë.

Te mysafirët më i miri në parket ishte Mike Conley Jr. me 26 pikë ndërsa Marc Gasol realizoi 19 sosh.

Pas kësaj, Minnesota ka bilanc prej 25 fitoreve dhe 26 humbjeve gjersa për Memphisin ishte pësimi i 32-të kundrejt njëzet triumfeve.

Ndryshe, Grizzlies në takimin e radhës do të luajë kundër Charlotte Hornets ndërsa Timberwolves do të ballafaqohen me Denver Nuggetsin. /Telegrafi/

Rezultatet tjera:

Boston 126:94 Charlotte

Mimai 89:105 Chicago Bulls

New York 90:114 Dallas

New Orleans 99:105 Denver

Washington 107:89 Indiana

Sacramento 135:113 Atlanta

Portland 132:105 Utah