Vetëm ditët e para te Chelsea – Mudryk shkakton skandal në rrjetet sociale

Ylli i ri i Chelseat, Mykhailo Mudryk, u kritikua ashpër pasi përdori fjalën që u referohet personave me ngjyrë në një videoklip.

Nënshkrimi i ri prej 100 milionë euro përsëriti termin racial në një video në TikTok, që është shikuar mbi 200,000 herë.

Burime pranë anësorit ukrainas, këmbëngulin se ai thjesht po përpiqej të këndonte pjesë nga hiti i reperit amerikan Lil Baby të vitit 2017.

Mykhailo Mudryk ka kërkuar falje për videon, por fansat dhe aktivistët kritikuan sulmuesin ukrainas për përdorimin e gjuhës në klipin e TikTok “pavarësisht nga konteksti”.

Përfaqësuesi i Mudryk tha për The Sun: “Mykhailos i vjen thellësisht keq për çdo ofendim të shkaktuar nga video e postuar në llogarinë e tij TikTok”.

“Ndërsa qëllimi i tij ishte vetëm të këndonte tekstin e një kënge, Mykhailos i vjen keq për vendimin e tij dhe e pranon me gjithë zemër se nuk ishte e përshtatshme. Më pas, videoja është hequr”.

Grupi kryesor i futbollit kundër racizmit, Kick It Out kritikoi videon duke thënë: “Kick It Out dënon përdorimin e të gjitha sharjeve racore, duke përfshirë fjalën që u referohet personave me ngjyrë, pavarësisht nga konteksti”.

Videoja e plotë e Mudryk që zgjat dy minuta e 43 sekonda, përmban fjalën që u referohet personave me ngjyrë 16 herë. /Telegrafi/