LAJMI I FUNDIT:

Vendet nordike planifikojnë të krijojnë një mbrojtje të përbashkët ajrore “për t’u përballur” me kërcënimet nga Rusia

Vendet nordike planifikojnë të krijojnë një mbrojtje të përbashkët ajrore “për t’u përballur” me kërcënimet nga Rusia

Komandantët e Forcave Ajrore nga Suedia, Norvegjia, Finlanda dhe Danimarka thanë të premten se kanë nënshkruar një letër dakordimi për të krijuar një mbrojtje ajrore të unifikuar nordike që synon të “jetë përballë” kërcënimit në rritje nga Rusia.

“Synimi është që të jemi në gjendje të operojmë së bashku bazuar në mënyrat tashmë të njohura të operimit nën NATO”, citohet të jetë thënë në një deklaratë të forcave të armatosura të katër vendeve, shkruajnë mediat e huaja, përcjell Telegrafi.

Lëvizja për të integruar forcat ajrore u shkaktua nga pushtimi rus i Ukrainës në shkurt të vitit të kaluar, ka thënë për Reuters komandanti i forcave ajrore daneze, gjeneralmajor Jan Dam.

“Flota jonë e kombinuar mund të krahasohet me një të një vendi të madh evropian”, ka shtuar ai.

Siç bëhet e ditur, Norvegjia ka 57 aeroplanë luftarakë F-16 dhe 37 aeroplanë luftarakë F-35 me 15 të tjerë nga këta të fundit të porositur. Finlanda 62 aeroplanë F/A-18 Hornet dhe të porositur 64 F-35, ndërsa Danimarka ka m 58 F-16 dhe 27 F-35 të porositur.

Ndërsa Suedia ka më shumë se 90 aeroplanë Gripens.

Nënshkrimi në bazën ajrore Ramstein në Gjermani javën e kaluar u ndoq nga shefi i Komandës Ajrore të NATO-s, gjenerali James Hecker, i cili gjithashtu mbikëqyr Forcat Ajrore të SHBA-së në rajon.

Suedia dhe Finlanda aplikuan për t’u bashkuar me aleancën ushtarake transatlantike vitin e kaluar. Por procesi është penguar nga Turqia, e cila së bashku me Hungarinë ende nuk i kanë ratifikuar anëtarësimet.

Komandantët e forcave ajrore nordike diskutuan fillimisht bashkëpunimin më të ngushtë në një takim në nëntor në Suedi. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Botë
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Botë
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Biden thotë se kombet arabe,

Biden thotë se kombet arabe, "të përgatitura për të njohur plotësisht Izraelin" për herë të parë

Botë
Një veprim që ka

Një veprim që ka "fituar zemrat në mbarë botën" - oficeri i sigurisë në Mekë ndihmon pelegrinin me aftësi të kufizuara për të parë Qaben

Botë
Kalo në kategori