Vazhdojnë transformimet e aktorëve, Anne Hathaway duhet të shtojë në peshë për filmin e ri

Anne Hathaway ka treguar se është duke u përpjekur intensivisht që të shtojë në peshë për shkak të rolit të ri filmik.

Aktorja simpatike ka treguar se nuk shqetësohet aspak për kritikat që do t’i marrë në lidhje me peshën, prandaj që në fillim i ka paralajmëruar kritikët për këtë gjë.

Ajo e ka publikuar një video në Instagram, në të cilën shihet duke u stërvitur me disa trajnerë për të shtuar në peshë, ndërsa postimin e ka shoqëruar me një mesazh.

I am gaining weight for a movie role and it is going well. To all the people who are going to fat shame me in the upcoming months, it’s not me, it’s you. Peace xx PS- I wanted to set this to Queen’s “Fat Bottomed Girls” but copyright said no. Continued peace xx

A post shared by Anne Hathaway (@annehathaway) on Apr 5, 2018 at 8:56am PDT

“Jam duke shtuar në peshë për një rol filmik dhe gjithçka po shkon mirë. Për të gjithë ata që do të më tallin për peshën në muajt e ardhshëm, nuk jam unë, jeni ju (ata që po tallni). Paqe”, ka shkruar 35-vjeçarja.

Lexo po ashtu Të gjitha lajmet për Anne Hathaway

Më herët, gjatë përgatitjeve për rolin e saj në filmin “Les Miserables”, Hathaway ishte dashur të humbte 11 kilogramë nga pesha e saj.

Ndërsa në një intervistë të mëhershme për Glamour, Anne ka treguar se nga ajo kohë çdo ditë kishte pasur probleme me dukjen e saj.

“Akoma jam nën stres dhe pyes veten sa a jam dobësuar mjaftueshëm, a jam shumë e hollë, a duhet të shtoj në peshë apo të humb peshë… Kjo shndërrohet në diçka obsesive”, kishte rrëfyer aktorja.

Më pas ka këshilluar: “Nuk duhet të shqetësoheni për komentet e kritikëve në internet”.

Kujtojmë që aktorja është duke punuar në disa projekte dhe gjatë këtij viti dhe në vitin e ardhshëm do ta shohim në filmat, si “The Hustle”, “Serenity”, “Ocean’s 8” e “Barbie”. /Telegrafi/