LAJMI I FUNDIT:

Vazhdojnë kritikat ndaj çmimeve “Oscars” për anashkalimin e filmit “Barbie” në listën e nominimeve

Vazhdojnë kritikat ndaj çmimeve “Oscars” për anashkalimin e filmit “Barbie” në listën e nominimeve

John Stamos ka kritikuar anashkalimet e filmi “Barbie” nga ceremonia e çmimeve “Oscars” si një “ironi e çuditshme”.

Aktori 60-vjeçar ka shprehur pakënaqësinë e tij pasi fansat e filmit mbetën të shtangur të martën, më 23 janar, kur u shpallën nominimet për Çmimet Akademike – pa përfshirjen e regjisores Greta Gerwig, 40 vjeçare, apo të aktores Margot Robbie, 33 vjeçare në listën e nominimeve, por vetëm me Ryan Gosling, 43 vjeçar, që fitoi një nominim për kategorinë “Aktori më i mirë në rol dytësor”, për portretizimin e Kenit në film, shkruan nzherald.

Stamos u shpreh në rrjetet sociale duke ricaktuar një skenë nga filmi që arriti të gjernerojë mbi një miliard dollarë fitime dhe tha në një mbishkrim pranë videos së tij: “Kjo i dedikohet Greta Gerwig dhe Margot Robbie, të cilat krijuan një film që ishte një sukses kritik dhe një fenomen kulturor, duke u thelluar në tematika feministe përmes prizmit të ‘Barbie’-t dhe duke sfiduar normat patriarkale”.


Publikohen nominimet për 'Oscars 2024': "Oppenheimer" lë në hije hitin "Barbie" me 13 nominime
Lexo po ashtu Publikohen nominimet për 'Oscars 2024': "Oppenheimer" lë në hije hitin "Barbie" me 13 nominime

Ai shtoi: “Ky film jo vetëm që rezonoi thellësisht, por gjithashtu xhiroj mbi një miliard dollarë fitime. Megjithatë, në një ironi të çuditshme, të dyja gratë u anashkaluan nga Akademia e çmimeve Oscars. Të gjithë shikoni sërish ‘Barbie’-n sonte”.

Në klipin e Stamos, ai luajti rolin e Ken-it, ndërsa gruaja e tij, Caitlin McHugh, 37 vjeçe, u paraqit si Barbie, teksa çifti ricakton një skenë ku Ken-i ishte duke pyetur Barbie-n se si të largohej nga mërzia gjatë udhëtimit të tyre në botën reale. Stamos shtrihet në oborrin e tyre në video, ndërsa partnerja e tij punon në kopsht.

View this post on Instagram

A post shared by John Stamos (@johnstamos)

Ndërkohë, edhe aktori Gosling lëshoi një deklaratë lidhur ditë më parë lidhur me anashkalimin e Gerwig dhe Robbie, duke thënë se ai është “jashtëzakonisht i nderuar” që është nominuar, por shprehu zhgënjimin: “Nuk ka Ken pa Barbie, dhe nuk ka Barbie pa Greta Gerwig dhe Margot Robbie, dy personat më përgjegjëse për këtë film që bëri histori dhe u festua globalisht”.

Ai shtoi: “Nuk do të ishte e mundur të njiheshin ndonjë prej atyre që punuan në film pa talentin, guximin dhe gjenialitetin e tyre. Të them se jam i zhgënjyer që ato nuk janë nominuar në kategoritë e tyre përkatëse do të ishte një nënvlerësim”, tha ai.

“Vepra e tyre duhet të njihet bashkë me nominimet e tjera shumë të merituara”, shtoi aktori që luan rolin e Ken-it.

Zhgënjen Dua Lipa, mbetet jashtë nominimeve të "Oscars 2024" për kolonën zanore të filmit "Barbie"
Lexo po ashtu Zhgënjen Dua Lipa, mbetet jashtë nominimeve të "Oscars 2024" për kolonën zanore të filmit "Barbie"

Të gjithë filmat e Gerwig – “Lady Bird”, “Little Women” përfshirë këtu dhe “Barbie” – kanë pasur nominime për çmimin kryesor, ‘Filmi më i mirë’ në “Oscars”, por ajo kurrë nuk ka marrë nominim për çmimin “Regjisori/ja më i/e mirë”.

As Gerwig dhe as Robbie ende nuk kanë reaguar për anashkalimin nga Akademia, por një varg yjesh kanë folur në mbështetje të të dyjave.

America Ferrera, 40 vjeçare, e cila fitoi një nominim për çmimin “Aktorja më e mirë në rol dytësor” për rolin e saj në “Barbie”, i tha revistës Variety: “U zhgënjeva shumë që ato nuk u nominuan”. Greta ka bërë pothuajse çdo gjë që një regjisore mund të bëjë për ta merituar atë”.

Ajo shtoi: “Ajo që Margot arriti si aktore është vërtetë e pabesueshme. Një nga gjërat rreth Margot si aktore është se sa lehtë duket gjithçka. Dhe ndoshta njerëzit u mashtruan duke menduar se puna [ishte] e lehtë”. /Telegrafi/

Në trend Magazina

Më shumë
Pasi erdhi në Kosovë, Dua Lipa u pa mbrëmë në një klub nate në Prishtinë

Pasi erdhi në Kosovë, Dua Lipa u pa mbrëmë në një klub nate në Prishtinë

Magazina
Ish-Miss Kosova i jep fund beqarisë – publikohen pamje nga ceremonia luksoze

Ish-Miss Kosova i jep fund beqarisë – publikohen pamje nga ceremonia luksoze

Magazina
Demi Rose publikon fotografi të guximshme, shfaqet tërësisht e zhveshur

Demi Rose publikon fotografi të guximshme, shfaqet tërësisht e zhveshur

Magazina
Dua Lipa për festivalin Sunny Hill: Ka qenë ëndërr ta realizoj me familjen time në qytetin tim

Dua Lipa për festivalin Sunny Hill: Ka qenë ëndërr ta realizoj me familjen time në qytetin tim

Magazina
Dukagjin Lipa nderohet me ‘Çelësin e Kryeqytetit’

Dukagjin Lipa nderohet me ‘Çelësin e Kryeqytetit’

Magazina
Transporti pa pagesë: Ndryshon orari i nisjes së autobusëve nga qendra e Prishtinës për në Sunny Hill

Transporti pa pagesë: Ndryshon orari i nisjes së autobusëve nga qendra e Prishtinës për në Sunny Hill

Magazina
Kalo në kategori