Uzuni, një snajperist nga njëmbëdhjetë metra

Në Granada nuk ka dyshim, kur arbitri sinjalizon njëmbëdhjetëmetërshit, Myrto Uzuni është përgjegjës për ekzekutimin e penalltisë.

Ndaj Alaves, liturgjia u përsërit dhe sulmuesi shqiptar mori përgjegjësinë në momentin kur Garcia Verdura dha penallti nga Gorosabel, raporton Marca.

Ndonëse prej javësh luan me dhimbje, pulsi i anësorit bardhekuq nuk u luhat. Uzuni ekzekutoi me saktësi goditjen, duke e çuar topin në shtyllë, duke e bërë të kotë shtrirjen e portierit rival.

Lexo po ashtu Myrto Uzuni realizon gol në fitoren e lehtë të Grandas ndaj Alaves

Me atë të arritur ndaj babazorros, lojtari nga Berati ka tashmë katër gola nga njëmbëdhjetë metra, duke iu bashkuar Mayoral, Pepelu dhe Dovbyk si një nga specialistët e Ligës në këtë pjesë.

Që prej mbërritjes në Los Carmenes, sulmuesi shqiptar ka realizuar 13 goditje nga pika e bardhë, me 11 goditje dhe vetëm dy huqje, që përfaqëson një përqindje suksesi prej 84 për qind, përqindje që tregon efektivitetin e tij në goditjet e penalltive dhe me atë që ka arritur për t’u bërë referencë e Nasridëve.

Vitin e kaluar, me 23 gola, Uzuni u bë golashënuesi më i mirë bardhekuq dhe golashënuesi më i mirë në La Liga 2, kapacitet të cilin ai e ka ruajtur në Kategorinë e Parë. Shqiptari ka grumbulluar tashmë 10 gola dhe konkurron me sulmues si Gerard Moreno, Rodrygo, Hugo Duro dhe En-Nesyri. /Telegrafi/