Usyk dëshiron të debutojë në një sport të ri dhe të luftojë me Jake Paul

Boksieri 38-vjeçar ukrainas, Oleksandr Usyk, prej gati një viti është kampioni i padiskutueshëm i botës.

Ai e arriti këtë titull pasi mposhti Tyson Fury në maj të vitit të kaluar dhe fitoi titullin WBC, i fundit që i mungonte. Ai i mbrojti të gjitha këto tituj kundër të njëjtit boksier në dhjetor dhe tani është duke pritur për luftën e tij të radhës.

Duke marrë parasysh se ka mposhtur shumicën e boksierëve më të mëdhenj, e ka të vështirë të gjejë një kundërshtar.

Lexo po ashtu Usyk paralajmëron pensionimin nga boksi

Ndeshja e tij e radhës është planifikuar të jetë kundër britanikut Daniel Dubois, por Usyk nuk është i panjohur për influencuesin dhe boksierin Jake Paul.

Menaxheri i tij, Sergey Lapin ka përshkruar planet në një intervistë për OLBG, ku nuk përjashtohet një meç jashtë boksit.

USYK VS JAKE PAUL IN MMA? 🤯

Team Usyk’s Sergey Lapin hasn’t ruled out a clash between current unified heavyweight champ @Usykaa and @JakePaul but in MMA 👀

Who would like to see that fight in the octagon? #Usyk | #JakePaul | #FightFans | #BoxingNews pic.twitter.com/szVhJuIgh2

— IFL TV (@IFLTV) March 25, 2025

“Usyk po lufton për trashëgiminë e tij. Ai dëshiron të mbahet mend si një nga më të mirët në histori dhe ne do të shohim se cila luftë do ta paraqesë atë me sfidën më të madhe”, ka thënë fillimisht Lapin.

“Do të ishte mirë për të të luftonte me Paul dhe është shumë i interesuar për të, por ekskluzivisht sipas rregullave të MMA”.

“Është një luftë që do të ishte shumë interesante nëse do të kishte para në të. Kampioni i UFC-së, Alex Pereira, do të ishte gjithashtu një kundërshtar i mirë”, përfundoi menaxheri i Usyk. /Telegrafi/