Ukrainasit sekuestrojnë edhe një tank të ushtrisë ruse, koloneli i Kievit filmohet duke e vozitur

Një pjesëtar i ushtrisë ukrainase është filmuar duke vozitur tankun e sekuestruar rus, derisa ushtria e këtij vendi po vazhdon të avancojë me hapa të shpejtë drejt territoreve që dikur ishin nën kontrollin e rusëve.

Në videon e shpërndarë në llogarinë e Ministrisë së Mbrojtjes – koloneli Pavlo Fedosenko që është në krye të brigadës së 92-të të motorizuar, shihet duke qeshur me ironi derisa vozit tankun rus, transmeton Telegrafi.

Përbri videos është edhe mbishkrimi, ku thuhet se “personalisht ka sekuestruar këtë tank të ushtrisë ruse”.

Gjykuar nga pamjet dhe sipas ekspertëve të sigurisë, bëhet fjalë për tankun e tipit T-90, që konsiderohet si tanku i gjeneratës së tretë të ushtrisë ruse që Kremlini e cilëson si një nga më të avancuarit që ka ky vend.

Kjo nuk është hera e parë që ukrainasit sekuestrojnë tanke të ushtrisë ruse.

Javëve të fundit arsenalit të Ukrainës i janë shtuar edhe dy tanke – T-72 dhe T-80 që dikur i përkisnin ushtrisë ruse, ndërsa pas sekuestrimit nga ukrainasit, Kievi po i përdor kundër ushtarëve të Putinit. /Telegrafi/

Colonel Pavlo Fedosenko, Hero of Ukraine, Defender of Kharkiv, commander of the 92nd Mechanized Brigade is driving modern russian T-90A tank captured by the #UAarmy.
russian lend-lease continues. pic.twitter.com/v0XLDVf6f9

— Defense of Ukraine (@DefenceU) October 4, 2022