Ukraina thotë se janë vrarë më shumë se 40 ushtarë dhe rreth 10 civilë nga sulmet ruse

Presidenca ukrainase ka thënë se më shumë se 40 ushtarë janë vrarë që nga fillimi i pushtimit rus në Ukrainë – dhe disa janë plagosur.

Sipas CNN, përcjell Telegrafi, Oleksiy Arestovych, një këshilltar në zyrën e Presidentit, tha se përveç viktimave ushtarake, “me sa di unë, për momentin ka edhe disa civil të vrarë – deri në dhjetë”.

Rusia nisi një sulm ushtarak në shkallë të gjerë ndaj Ukrainës, fqinjit të saj jugor, me urdhër të presidentit rus, Vladimir Putin.

Në anën tjetër, ministria ukrainase e Mbrojtjes përmes një postimi në Twitter, ka njoftuar se i ka shkaktuar humbje të mëdha forcave ruse.

Lexo po ashtu:

Nga urdhri për ndërhyrje ushtarake, sirenat që lajmërojnë sulmet e deri te granatimet e ashpra – gjithçka që po ndodhë në Ukrainë

Ata kanë njoftuar se pas operacionit për mbrojtjen e vendit, kanë arritur të rrëzojnë 6 aeroplanë rusë, 2 helikopterë, kanë arritur të shkatërrojnë 2 tanke, si dhe të vrasin 50 separatistë rusë.

Lexo po ashtu:

Aeroporti Ivano-Frankivsk në Ukrainë goditet nga raketat ruse – pamje që pretendohet se tregojnë një gjë të tillë

Zyrtarë të shumtë perëndimorë kanë dënuar bombardimet ruse që kanë nisur përreth Ukrainës në orët e para të së enjtes. /Telegrafi/