UEFA ka publikuar listën me 50 futbollistët që do të votohen nga tifozët për 'Ekipin më të mirë të vitit 2018', të cilët prezantojnë 14 klube dhe 20 shtete.
Editorët e korrespodentët kanë bërë zgjidhjet e tyre duke u bazuar në paraqitjet ditore dhe ndërkombëtare të futbollistëve.
Ekipi me më shumë lojtarë është Real Madridi me nëntë sosh, i ndjekur nga Barcelona me shtatë dhe Atletico Madridi e Liverpooli me nga gjashtë.
Shteti që ka më shumë lojtarë është kampioni i Botës, Franca me dhjetë, i ndjekur nga Spanja me gjashtë dhe Brazili me pesë.
Lojtari më i vjetër i nominuar për në ekipin e vitit është mbrojtësi italian i Juventusit, Giorgio Chiellini, me 34 vjet.
Giorgio Chiellini (Foto: GettyImages)
Lojtari më i gjatë është mbrojtësi i Napolit, Kalidou Koulibaly me 1.95cm, ndërsa më i shkurti mesfushori i Chelseat, N'Golo Kante me 1.69cm.
Futbollisti më i ri i nominuar është adoleshenti francez i Paris Saint-Germain, Kylian Mbappe, vetëm 19 vjeç.
Kylian Mbappe (Getty Images)
Të gjithë 50 futbollistë e nominuar kanë së bashku plot 1389 vjet, ndërsa mesatarja e tyre është 27.78 vjet.
Portierët: Alisson Becker, Hugo Lloris, Keylor Navas, Jan Oblak, Marc-Andre Ter Stegen.
