U filmua rrugëve të Tiranës, Egla zbulon se çfarë ndodhi para se të futej në Dhomën e Bardhë

Pas daljes nga shtëpia e Big Brother, Egla Ceno ka ndarë me publikun përvojën e saj shumë të debatuar gjatë qëndrimit në Dhoma e Bardhë, një nga sfidat më të vështira të edicionit.

Gjatë një interviste në Post Big Brother, ajo ka treguar hollësitë që shoqëruan vendimin e saj për t’u izoluar në këtë ambient të veçantë.

“Dhoma e Bardhë ka qenë pikë shumë e vështirë sepse psikologjikisht mund të kishte qenë fatale” theksoi Egla, duke nënvizuar peshën emocionale dhe psikologjike që vinte me qëndrimin në atë dhomë.

Përballja me një vendim kaq kritik ka kërkuar një përgatitje të veçantë, ku ajo zbuloi se ka kryer “teste psikologjike” për të kuptuar nëse ishte në gjendje të përballonte kushtet e izolimit ekstrem.

“Pas skualifikimit, kur mu propozua Dhoma e Bardhë, para se të futem aty kam bërë teste psikologjike, pastaj mora vendimin dhe u futa. U krye me sukses nga të tre duhet të them. Psikologjikisht flas”.

Juli e akuzoi Eglen se ajo “doli brodhi me makinë nëpër komunë të Parisit”, duke aluduar se ky veprim i kishte sjellë asaj një farë lloj fame.

Në kundërpërgjigje të këtyre akuzave, Egla hodhi poshtë pretendimet e tij, duke sqaruar se në atë kohë ajo ishte në fakt “tek zyrat e psikologes për të kryer testet psikologjike” para se të izolohej në Dhoma e Bardhë. /Telegrafi/

View this post on Instagram

A post shared by Big Brother Alb VIP Edition (@bigbrotheralb_vip)